Mu minsi ishize Knowless yateguye igitaramo kitigeze kitabirwa na Safi Madiba umugabo bafatanyije mu rugendo rwa muzika ubwo Knowless yatangiraga muzika. Usibye iki gitaramo kandi si kenshi Safi wahoze muri Urban Boys yakunze kwitabira ibitaramo bya Knowless bigeze no kukanyuzaho mu rukundo. Ibi byatumye twegera Safi Madiba tumubaza impamvu.
Mu kiganiro kigufi twagiranye na Safi Madiba twamubajije impamvu adakunze kwitabira ibitaramo bya Butera Knowless nyamara ari mu bamufashije ubwo yinjiraga mu muziki, maze uyu muhanzi umaze iminsi mike avuye muri Urban Boys atangaza ko impamvu adakunze kwitabira ibitaramo bya Knowless ari uko aba atamutumiye.
Safi yabajijwe niba atajya abifata nko kuba Knowless atazirikana ko hari icyo yamufashije mu rugendo rwe rwa muzika, Safi Madiba avuga ko afata Knowless nk’umuntu mukuru bityo icyemezo yafata icyo aricyo cyose agasanga atari ikibazo we yakwibaza. Aha yahise abazwa uko abona muzika ya Knowless ihagaze muri iyi minsi maze Safi abwira Inyarwanda.com ko Knowles ari ku rwego rwiza muri muzika ashimangira ko nta kibazo afite kandi ko urwego ariho rushimishije gusa ngo hari ibyo agomba kongeramo ingufu.
Safi Madiba kuri ubu watangiye muzika ye ku giti cye
Umunyamakuru yabajije Safi Madiba ibyo Knowless yakabaye yongeramo ingufu,nuko Safi asubiza agira ati”Gutegura ikintu akifashisha n'abandi bose, ntagitegure wenyine… kuko burya abantu barakenerana…”. Safi Madiba muri iyi minsi ni umuhanzi uri gukora muzika ku gite cye, kuri ubu akaba amaze gukora indirimbo ye ya kabiri kuva yava mu itsinda rya Urban Boys. Ni indirimbo yise ‘Kimwe Kimwe’yanamaze gushyira hanze amashusho yayo.
REBA HANO IKIGANIRO TWAGIRANYE NA SAFI MADIBA
Eng
RSS 
TANGA IGITECYEREZO