Mu minsi yashize mu binyamakuru bitandukanye bya hano mu Rwanda havuzwe inkuru ya Safi Madiba, aho uyu muhanzi yari muri Tanzania mu gukorana indirimbo na Ray Vanny icyamamare muri muzika ya Tanzania akaba umwe mu bahanzi bakorera muri Wasafi Record ya Diamond.
Nyuma yo kuva muri Tanzania benshi bakomeje kwibaza igihe iyi ndirimbo Safi Madiba yakoranye na RayVanny izagira hanze,icyakora cyera kabaye iyi ndirimbo yageze hanze, ikaba ari indirimbo bise ‘Fine’ bakoreye muri Wasafi studio ubusanzwe RayVanny akoreramo ndetse ikaba studio ya Diamond.
Ray Vanny wakoranye na Safi Madiba aherutse kwegukana igihembo muri BET Awards
hagati muri iyi ndirimbo RayVanny wo muri Tanzania yumvikana aririmba amagambo y'ikinyarwanda, aho agira ati"Icyo nzaguha ntuzakibwire abantu, funga umuryango, zimya itara twubake umuryango...."
Indirimbo Fine ya Safi Madiba na Ray Vanny ibaye iya gatatu Safi ashyize hanze kuva yatangira kwikorana muzika, iyi ikaba ikurikiye 'Got it' Safi Madiba yakoranye na Meddy ndetse na Kimwe Kimwe indirimbo we ubwe yikoranye. Kuri ubu itahiwe ni Fine indirimbo nshya Safi Madiba yakoranye na Ray Vanny wo muri Tanzania.
REBA HANO IYI NDIRIMBO NSHYA ‘FINE’ YA SAFI MADIBA NA RAY VANNY
Eng
RSS 
TANGA IGITECYEREZO