Mu minsi ishize ubwo Rwatubyaye Abdul yaburirwaga irengero na Rayon Sports, umuhanzi Amag The Black yakoze indirimbo yise ‘Ikiryabarezi’ ashyiramo agace aririmbamo uyu mukinnyi myugariro wa Rayon Sports. Uyu mukinnyi kuri uyu wa kane tariki 23 Gashyantare 2017 yakomoje kuri uyu muhanzi wanamuririmbye.
Mu kiganiro cy’imikino ‘Ten Sports on Radio 10’ kibera kuri Radio 10, uyu mukinnyi wari umutumirwa kuri uyu wa Kane yabajijwe n’umunyamakuru icyo avuga kuri iyi ndirimbo ndetse no ku muhanzi wayiririmbye.
Rwatubyaye yahise abwira umunyamakuru ati “ Iriya ndirimbo narayumvise, ndayizi, byarantunguye ntabwo narinzi ko Amag ashobora kundirimba ariko nkuko yakoze iriya ndirimbo ibintu niko byari biri ariko wenda navuga ko ntabwo ndi ikiryabarezi, byababaje abafana ba Rayon sports, ariko ni ibintu bigomba kubaho ni ibintu tubana nabyo dufite uko tubyakira.”
Amag The Black wise Rwatubyaye ikiryabarezi
Uyu mukinnyi yabajijwe niba yaba arakariye Amag The Black, agira ati” No(Hoya) ntabwo murakariye kuko yaririmbye ibintu byariho icyo gihe, kubera situation (ibihe) narindimo, nawe ntabwo murenganya kuko nawe yaririmbye ibintu byaribyo, naho kuvanaho indirimbo ntabwo wenda nifuza ko yavanwaho nifuza ko yagumaho ni Histoire (amateka)wenda hazaririmbwa indi y’ibyiza byakozwe.”
Rwatubyaye Abdul ni umukinnyi mpuzamahanga w’u Rwanda wanyuze mu ikipe ya APR FC nyuma agashaka kujya i Burayi ntibimuhire agahitamo guhita agaruka mu Rwanda aho yasinyiye Rayon Sports Fc amasezerano y’imyaka ibiri, nyuma y’inkundura nyinshi uyu mukinnyi yanyuzemo kuri ubu ni umukinnyi wa Rayon sports nyuma yo kurekurwa byemewe na APR FC.
REBA HANO AMASHUSHO Y'INDIRIMBO IKIRYABAREZI YA AMAG THE BLACK
Eng
RSS 
TANGA IGITECYEREZO