Kuri uyu wa Gatandatu tariki 2 Ukuboza 2017 mu karere ka Rubavu habereye igitaramo cyo kumurika Album nshya ya Young Grace yise 20-22ans, iki gitaramo cyaranzwe n’ubwitabire ariko nanone hazamo kidobya y’imvura nyinshi yisutse ubwo Young Grace yaramaze kuririmba agace ke ka mbere muri iki gitaramo.
Iki gitaramo cyabimburiwe n’abahanzi bakizamuka bo mu karere ka Rubavu, kigaragaramo abana bafite impano yo kumurika imideri kimwe nababyinnyi banyuranye barimo nabana bat obo mu karere ka Rubavu bashimishije abafana ba muzika bari aho. Usibye ababyinnyi kandi hataramye n’abahanzi banyuranye barimo Ama G The Black, Eesam, Aime Bluestone, Marina ndetse nabandi benshi.
Ubwo Young Grace yajyaga ku rubyiniro bwa mbere imvura yahise yisuka atararangiza no kuririmba biba ngombwa ko abantu bava mu byicaro bakajya kugama gusa ibi ntibyahagaritse igitaramo cyane ko nubwo imvura yagwaga ariko amasaha yagendaga, aha abahanzi baririmbiraga abafana bari bugamye imvura ku bikuta byahabereye iki gitaramo cyane ko cyari cyabereye mu busitani bw’ahazwi nka Sunrise Hotel.
Imvura igenjeje make abafana bagarutse mu byicaro bongera gucezanya n’abahanzi bakunda maze ku isaha ya saa tatu z’ijoro igitaramo kiba kirahumuje cyane ko bari bahawe amasaha ya saa munani z’amanywa kugeza sa mbili z’ijoro nkuko impapuro za Polisi zabigaragazaga.
REBA AMAFOTO:
Babanje kumurika imideri
Bosqizo na Iras Jalas nibo bayoboye igitaramo
Abahanzi b'i Rubavu nababyinnyi babanje ku rubyiniro
Mama wa Young Grace na Nadege (ukina muri City maid) inshuti magara ya Young Grace
Young Grace yishimiwe
Imvura iguye abantu bihinze bajya kugama
Ama G The Black ku rubyiniro
Marina imbere y'abafana
Eng
RSS 
TANGA IGITECYEREZO