PGGSS7: Uko byari byifashe mu gitaramo cya mbere abahanzi bakoreye i Huye–AMAFOTO

Ni igitaramo cyabereye ku kibuga cy’umupira w’amaguru cya Kaminuza Nkuru y’u Rwanda ishami rya Huye. Ahagana ku isaha ya saa saba n’igice ni bwo abashyushyarugamba Mc Kate Gustave na mugenzi we Buryohe bafatanije na Dj Ira batangiye gususurutsa abafana bari bamaze kuhagera.

Nkuko bisanzwe muri iri rushanwa abafana babukereye mu byapa by’abahanzi batandukanye bashyigikiye

Dream boys Indatwa nk'abahanzi bakuru mu irushanwa barashyigikiwe ku bwinshi

Queen Cha wagarutse ku ivuko nawe yahasanze abaje kumwakira

Bull Dogg nawe ibyapa bimuha ikaze birahari

Davis D winjiye muri iri rushanwa bwa mbere nawe afite abafana

Mico The Best nawe arashyigikiwe i Huye

Buri wese yaje yambariye gushyigikira umuhanzi akunda

Tubibutse ko abahanzi barimo bahatana muri iri rushanwa ari Active(ufite numero1), Bull Dogg(ufite numero 2), Christopher(ufite numero 3), Dany Nanone(ufite numero 4), Davis D(ufite numero 5), Dream boys(bafite numero 6), Mico The Best(ufite numero 7), Oda Paccy(ufite numero 8), Social Mula(ufite numero 9) na Queen Cha(ufite numero 10), iyi mibare ibaranga akaba ari yo abakunzi babo bashobora kubatoreraho babongerera amahirwe. Ku batora wandika umubare w'umuhanzi ushyigikiye ukohereza kuri 4343.

Aba bahanzi uko ari 10 ni bo bagiye guhatanira kureba ko bakwegukana ku nshuro ya 7 iri rushanwa nyuma ya Tom Close, King James, Riderman, Jay Polly, Knowless na Urban boys babashije kwegukana Primus Guma Guma Super Star kuva yatangira mu 2011.

Mc Buryohe ku nshuro ye ya kabiri arimo gushyushya ibi bitaramo

Mc Kate Gustave ku nshuro ya mbere nawe yagaragaye ku rubyiniro rwa Primus Guma Guma Super Star

Ku isaha ya saa munani n'iminota 10 nibwo abagize akanama nkemurampaka:Uwitonze Clementine(Tonzi), Mc Lion Imanzi na Twahirwa Aimable bamurikiwe abafana. Iyi kipe ikaba ifite uruhare runini mu kuzaca impaka bagaragaza umuhanzi wahize abandi mu bigenderwaho byose ugomba kwegukana iri rushanwa nyuma y'ibitaramo bitanu bazakora.

Abagize akanama nkemurampaka bungurana ibitekerezo mbere yo gutangira akazi

-Ku isaha ya saa munani n'igice ni bwo umuhanzi wabimburiye abandi yahamagawe ku rubyiniro, uyu akaba yari Social Mula wari uririmbye bwa mbere mu gitaramo nk'iki cya Primus Guma Guma Super Star. Uyu musore yaririmbye indirimbo Umuturanyi hamwe n'indi ye yitwa Amahitamo, maze asoza abwira abafana ko yishimiye gutaramira ku nshuro ye ya mbere muri Guma Guma.

Abafana basimbukana na Social Mula mu ndirimbo Umuturanyi

Uyu musore yari aherekejwe n'ababyinnyi bamufashije gususurutsa abafana

Band iri gucurangira abahanzi nayo ni nshya, igizwe n'abanyeshuri bigaga umuziki ku Nyundo

-Bull Dogg ni we wakurikiyeho, uyu muraperi akaba yakiriwe neza i Huye mu ndirimbo Kaza roho na Cinema yari yatoranije kubaririmbira. Uyu mugabo yafashe umwanya ashimira abafana abibutsa ko naramuka atwaye iki gikombe atazibagirwa ko ari bamwe mu babigizemo uruhare.

Bull Dogg yari afite umubare w'abafana batari bacye bishimiye gutaramana nawe

Bull Dogg i Huye

-Nyuma ya Bull Dogg, umuraperi Dany Nanone ni we wakurikiyeho. Uyu musore urimo uhatana ku nshuro ye ya kane yataramiye abafana mu ndirimbo Njye ndarapa na Ikirori yabyinwe n’abafana batari bacye.

Umuraperi Dany Nanone yazanye inyogosho nshya abantu batari bamumenyereyeho

Dany Nanone mu ndirimbo Ikirori, imwe mu zo agira zishimirwa cyane hirya no hino

-Christopher ni we waririmbye ku nshuro ya kane, uyu musore umwaka ushize wasoje ku mwanya wa kabiri, yataramiye abafana b’umuziki mu ndirimbo Uwo munsi na Agatima.

Christopher imbere y'imbaga y'abafana i Huye

Abafana babyinanye na Christopher

Umunyamahirwe wegukanye imodoka muri poromosiyo ya Babongere nawe yayitahanye

-Active mu mwihariko wabo wo kubyina ni bo bahise bakurikiraho aho bataramiye abanye-Huye mu ndirimbo Final na Pole. Nk'ibisanzwe aba basore bari baherekejwe ku rubyiniro n'itsinda ry'ababyinnyi ribafasha gususurutsa abafana.

Active ku rubyiniro i Huye ni muri ubu buryo bari baserutse

Olivis mu kazi

Derek na Tizzo

Tizzo imbere y'abafana ba Active

-Dream boys mu ndirimbo zabo 70 na Bucece ni bo bakurikiyeho, aba basore bakaba bagaragaje ko bafite ubunararibonye muri iri rushanwa aho bahagurukije imbaga y'abafana babyinana nabo izi ndirimbo bari babateguriye. Platini na TMC bongeye kwibutsa abafana b'i Huye ko nabo ari ho bavukiye nk'itsinda rya Dream boys dore ko aba basore bombi banogeje umugambi wo gushinga itsinda nyuma yo guhurira mu mashuri yisumbuye mu Rwunge rw'Amashuri ya Leta rw'i Butare (G.S.O.B).

Platini na TMC bagize Dream boys

TMC

Platini nawe yahinduye uburyo agaragara

Abafana ba Dream boys bari bizihiwe

-Davis D umusore muto wagize amahirwe yo kwitabira ku nshuro ya mbere iri rushanwa ni we wahise akurikiraho. Yifashishije indirimbo ze Maliya kaliza na Biryogo byagaragaraga ko izwi cyane. 

Umufana wa Davis D

Davis D ku nshuro ya mbere yataramiye abafana muri PGGSS

-Queen Cha, umuhanzikazi wagize mahirwe yo kwitabira bwa mbere iri rushanwa ni we wakurikiyeho. Uyu mukobwa uretse kuba akomoka ino, ni naho yize amashuri ye ku buryo abafana benshi bari bamuzi banamushyigikiye. Yaririmbye Kizimya mwoto na Umwe rukumbi.

Queen Cha ubwo yatungukaga ku rubyiniro

Abafana ba Queen Cha

Urungano rwa Queen Cha rwari rwaje kumushigikira

Queen Cha nawe yari afite ababyinnyi

Queen Cha i Huye

 -Mico The Best mu ndirimbo ze Umugati na Indahiro ni we wakurikiyeho mu gutaramira abafana. Uyu mugabo ukomoka muri Super Level nawe akaba yashimishije abafana b’umuziki we.

Mico The Best nawe yaje i Huye aherekejwe n'ababyinnyi

Abafana bamushyigikiye nawe bari benshi

-Oda Paccy ni we waririmbye bwa nyuma. Uyu muhanzikazi wari uherekejwe n’itsinda ry’ababyinnyi yinjiriye ku ndirimbo Ese nzapfa akurikizaho Umusirimu zose zishimiwe ndetse zikabyinisha abafana benshi bari i Huye.

Oda Paccy yongeye kugaragaza ko ari umwe mu bakobwa bashoboye rap

Abafana bishimiye umuziki wa Oda Paccy bajya mu bicu

Tubibutse ko nyuma y'iki gitaramo, Nsabimana Francois umunyamahirwe watsindiye imodoka muri poromosiyo 'Babongere' yayishyikirijwe ku mugaragaro n'abayobozi bakuru ba Bralirwa bari bitabiriye iki gitaramo.

Nsabimana Francois n'umugore we ubwo bari bagiye gushyikirizwa imodoka yabo n'umuyobozi wa Bralirwa

Nsabimana yerekana imfunguzo(kontaki) z'imodoka ye

Byari ibyishimo bikomeye

Abafana bari bitabiriye iki gitaramo ku bwinshi

Nyuma ya Huye iyi ni gahunda y'ibitaramo bya PGGSS7 

AMAFOTO: Abayo Sabin-Inyarwanda.com