Nyuma y’iminsi mike Meek Mill amusabye ko bazabana, hasohotse amafoto ya Nick Minaj yambaye ubusa hakekwa uwari umukunzi we

Umuntu ufite amazina ya Safaree Samuels niwe washyize ku rubuga rwa Twitter amafoto ya Nick Minaj yambaye ubusa n’andi akabije kuba urukozasoni nubwo amenshi yahise asibwa nkuko ikinyamakuru cyan TMZ kibitangaza. Safaree Samuels ni uwahoze ari umukunzi wa Nick Minaj mu myaka 12 ishize  , batandukana mbere ya Noheri ya 2014 ndetse bikavugwa ko urukundo rwa Nick Minaj na Meek Mill arirwo rwabaye intandaro yabo.

Nick Minaj na Safaree Samuels wahoze ari umukunzi we

Imwe mu mafoto ya Nick Minaj yashyizwe ku rubuga rwa Twitter

Kuba aya amafoto akurikiranye n’uko Meek Mill yari amaze gusaba Nick Minaj ko bazarushinga, abenshi bahise bahamya ko Safaree Samuels ariwe wakoze iki gikorwa  kuko n’amazina yakoreshejwe kuri Twitter asa n’ aye gusa we akaba  yabihakanye nkuko yabitangarije TMZ .

Abinyujije kuri konti ye ya Twitter yanyayo, nabwo Safaree Samuels yahakanye kwandagaza uwari umukunzi we ndetse avuga ko afite konti imwe gusa ya Twitter

Safaree Samuels usanzwe ukora akazi ko gutunganya muzika yemeje ko atakora ikintu nk’iki , ko ndetse abantu bakwiriye kureba ko konti yashyizweho ariya mafoto itandukanye cyane ni iye. Konti ya Twitter yanyujijweho amafoto y’urukozasoni  ya Nick Minaj  ikurikirwa n’abantu 5470 naho iya Safaree igakurikirwa n’abantu ibihumbi ijana na mirongo ine na bitatu(143.000). Ikindi gitandukanya aya makonti yombi ni uko iya Safaree wahoze ari umukunzi wa Nick Minaj yasuzumwe na Twitter(verified), ikibigaragaza akaba ari akamenyetso k'ubururu gakurikira amazina ye, bikaba ari nako bigenda kuri buri konti yose  yasuzumwe na Twitter y'umuntu w'icyamamare (Public figure) cyangwa ikigo kizwi.

Akamenyetso  k'ubururu(twashyize mu kaziga k'umukara)kagaragaza ko konti ya Safaree yasuzumwe na Twitter niko gatandukanya izi konti zombi

Nick Minaj hamwe na Meek Mill bemeranyije kurushinga

Safaree Samuels ngo yaba yarababajwe cyane no gutandukana na Nick Minaj gusa mu kwezi kwa Gashyantare 2015 nibwo yabonye undi mukunzi mushya witwa K.Michelle nawe akaba ari umuhanzikazi. Kugeza ubu yaba Meek Mill ndetse na Nick Minaj ntanumwe uragira icyo avuga ku mafoto yakwirakwijwe.

Renzaho Christophe