RFL
Kigali

Nyagatare: Dj Pius na Charly bagiye guherekeza Nina gutaramira iwabo ku ivuko

Yanditswe na: Emmy Nsengiyumva
Taliki:28/09/2016 14:39
2


Kuri iki cyumweru, tariki 2 Ukwakira 2016 mu mujyi wa Nyagatare hateganyijwe igitaramo kizaba kirimo abahanzi nka Charly na Nina ndetse na Dj Pius, iki gitaramo nicyo cya mbere umuhanzikazi Nina uvuka i Nyagatare agiye kuhakorera kuva yatangira muzika ye, ibintu bituma yiteguye kubona abafana batari bake muri uriya mujyi.



Iki gitaramo aba bahanzi bagiye kwitabira giteganyijwe kubera mu mujyi wa Nyagatare ahitwa Charton Bar hazwi nko ku ‘Akaborozi’, kwinjira akaba ari amafaranga igihumbi (1000frw) ndetse n’ibihumbi bibiri (2000frw) mu myanya y’icyubahiro. Iki gitaramo giteganyijwe gutangira saa mbili z’umugoroba kikazaba kirimo n’abandi bahanzi bo mu karere ka Nyagatare nka Prince na lover lover bose bafite abakunzi batari bake muri aka karere.

Muri iki gitaramo hitezwe ko Nina uzaba aririmbira urungano bakuranye ndetse n’ababyeyi bamureze, azabamurikira nyinshi mu ndirimbo itsinda rye rya Charly na Nina bamaze gukora kandi zakunzwe cyane harimo Mwenyura, Agatege, Indoro ndetse n’izindi nyinshi aba bahanzikazi bazaba baririmbira abakunzi babo i Nyagatare.

dj pius

Muri iki gitaramo abahanzi abaturage ba Nyagatare bagomba kwitegura kwakira umwana wabo birereye

Undi muhanzi uzaba ataramira abantu b'i Nyagatare ni Dj Pius uzwi cyane mu ndirimbo ‘Agatako’ yakoranye na Dr Jose Chameleone ndetse n’indi aherutse gushyira hanze yaririmbanye n’itsinda rya Good lyfe yise ‘Play it again’, uyu nawe muri iki gitaramo azaba yitezwe n’abatari bake bakunda umuziki wa Uganda bazaba bashaka kwiyumvira izi ndirimbo yakoranye n’aba bagande.






TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • Jasper7 years ago
    Murakaza neza Iwacu
  • 7 years ago
    hahaha Nina c amvuka nyagatare





Inyarwanda BACKGROUND