Umulisa Yvette umukunzi wa Nizzo ari mu Rwanda kuva tariki 12 Mutarama 2017, uyu mukobwa waje mu biruhuko kuva yagera i Kigali amafoto ye ya mbere akigera hanze abantu banyuranye bagiye bavuga ko yaba atwite, mu kiganiro na Nizzo wo mu itsinda rya Urban Boyz yagarutse kuri aya magambo.
Ubwo umunyamakuru wa Inyarwanda.com yaganiraga na Nizzo (Urban Boyz) yatangiye amuhishurira uko yiyumva muri iyi minsi, Nizzo yagize ati” Nawe urabyumva ubu mbayeho mu byishimo ndi kumwe n’umukunzi, yaje mu biruhuko ariko birumvikana ko nanjye nahise nsa nutangiye ibiruhuko kuko ubu ndi kumufasha kuruhuka. Erega kuruhuka kwiza kuri we cyangwa nanjye ni ukongera kubonana dore ko igihe kiba kibaye kinini tutabonana.”
Aha yabajijwe ibijyanye no kuba Yvette yaba atwite, Nizzo aseka agira ati” Nanjye narabyumvise, numvise hari radiyo ibivuga gusa birasekeje none se ko yaje tariki 12 Mutarama 2017 ubu koko inda y’iminsi itatu yaba ikuze gute? Umwana yaribyibuhiye ameze neza yarabyibushye ariko inda yo rwose ntayo.”
Nizzo n'umukunzi we bagiye kumara icyumweru bari mu munyenga w'urukundo nyuma yuko Yvette ari mu Rwada mu kiruhuko
Twibukiranye ko Umulisa Yvette umukunzi wa Nizzo ari mu Rwanda mu kiruhuko cy’amasomo dore ko asanzwe yiga mu gihugu cy’Ubushinwa, kuri ubu akaba ari mu Rwanda aho ari kuruhukira ndetse amakuru Nizzo atigeze agira byinshi ayatangazaho akaba ari uko bari no mu mibare y'uko bakora ubukwe igihe uyu mukobwa azaba yararangije amashuri ye.
Eng
RSS 
TANGA IGITECYEREZO