RFL
Kigali

Muhanga: Aline Gahongayire yatumiye abaramyi 5 mu gitaramo ‘Ineza Tour’ cyo gukusanya inkunga y’abatishoboye

Yanditswe na: Janvier Iyamuremye
Taliki:17/07/2018 15:22
1


Aline Gahongayire, umuhanzikazi mu ndirimbo zo kuramya no guhimbaza Imana agiye gukorera igitaramo gikomeye i Muhanga mu Ntara y’Amajyepfo cyo gukusanya inkunga yo gufasha abatishoboye. Ni igitaramo yise ‘Ineza Tour’ yatumiyemo abaramyi batanu bazamufasha guhesha Imana icyubahiro.



Aline Gahongayire usanzwe ari n’Umunyamakuru kuri Televiziyo y’u Rwanda binyuze mu kiganiro ‘Be Blessed Show’, mu gitaramo cyo gukusanya inkunga yo gufasha no gusanira abatishoboye yatumiyemo abaramyi b’amazina azwi nka Elyse, MD, Babou, Fredon, Olivier The Legend ndetse na Asaph Muhanga.

Iki gitaramo giteganyijwe kuba tariki 22 Nyakanga 2018. Biteganyijwe ko iki gitaramo kizabera muri Zion Temple ya Muhanga kizatangira Saa cyenda z’amanywa kirangire Saa kumi n’ebyiri n’igice z’umugoroba.

Aline Gahongayire

Aline Gahongayire yatumiye abahanzi batanu

Gatera

Gatera Joshua, umuhuzabikorwa wa Ineza Tour

Gatera Joshua, umuhuzabikorwa wa Ineza Tour yabwiye Inyarwanda.com ko bahereye i Kabuga mu mujyi wa Kigali ibitaramo by’’Ineza Tour’, bakomereza i Nyamata mu karere ka Bugesera, avuga ko abatahiwe ari ab’i Muhanga na Huye uturere twombi two mu Ntara y’Amajyepfo. Yagize ati “Muri iki cyumweru turakorera i Muhanga. Hanyuma mu cyumweru gitaha tariki ya 29 Nyakanga 2018 tuzakorere i Huye kuri Zion Temple.”

Yungamo ati “Tuzakorera mu turere 12 ‘Ineza Tour’ mbere y’uko twerekeza hanze y’u Rwanda. Kugeza ubu, tugeze mu turere dutatu ubwo ni Chapter ya Muhanga, tuzanakorera i Huye mu cyumweru gitaha.” Yateguje abanyamuhanga kwitegura bagafatanya n’abo guhimbaza Imana aho bazaba bari kumwe n’abahanzi batandukanye.

Yavuze ko ikigamijwe ari igikorwa cyo kugira neza ari nayo mpamvu batishyuza abashaka kwitabira iki gitaramo. Avuga ko amafanga ava muri ibi bitaramo bayakoresha mu gufasha abatishoboye, ngo uwakorwaho n’icyo gikorwa cy’’Ineza Tour’ bari gukora akumva nawe yafasha ahawe ikaze.

Mu rugendo rw’ibitaramo ‘Ineza Tour’ ruzagera mu turere 12 tugize u Rwanda, Aline Gahongayire aba yitwaje na album 'New Woman' aho ababishoboye bagura kopi zayo bagatunga indirimbo ze. Hanerekanwa imipira yanditseho ‘Ineza Tour’, ‘Warampishe’… aho umuntu ashobora kuwugura akaba ateye inkunga iki gikorwa.

Iyi Album ‘New Women’ iriho indirimbo nyinshi zihembura imitima ya benshi. Indirimbo nyinshi ziriho zakozwe na Ishimwe Clement Karake wa Kina Music. Uzasangaho indirimbo nka; ‘Warampishe’, ‘Ni yo yabikoze’, ‘Iyabivuze’, ‘Irakora’ ft TMC, ‘I see you’ Ft Serge Iyamuremye, ‘I love it’, ‘Nakumbuka’, ‘Yarahabaye’, ‘Ni nde watubuza’, ‘Awesome God’ na ‘Wandemye remix’.

Résultat de recherche d'images pour "Aline Gahongayire get images"






TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • Fofo5 years ago
    Can't wait to see you A.G❤





Inyarwanda BACKGROUND