Mu gitaramo yakoze bwa mbere nyuma yo gukira Makonikoshwa yatunguwe na Radio na Weasel

Ibi byabereye mu gitaramo cyabereye mu mujyi wa Kigali mu kabyiniro ka H Zone cyari kitabiriwe cyane dore ko cyari kirimo n’abahanzi bakomeye barimo P Fla ndetse n’umuhanzi Sat B wamamaye mu gihugu cy’u Burundi ndetse no mu karere. Muri iki gitaramo abahanzi bose bataramiye abantu bari aho, haherewe kuri P Fla, Sat B hasoza Makonikoshwa.

P Fla niwe wabimburiye abandi muri iki gitaramo

Ubwo Makonikoshwa yari ageze k’urubyiniro yakiriwe neza cyane n’abafana, ubwo yarageze ku ndirimbo ye ‘Nkunda kuragira‘ Radio na Weasel bari bakinjira muri aka kabyiniro batunguwe no kubona uyu mugabo bahita birukira k’urubyiniro bahita bivuga, igihe abantu bagitangarira abantu babonye k’urubyiniro Weasel yahise yambura Makonikoshwa Micro bahita bivuga abantu bavuza induru aba bahanzi nabo bahita batangira guhobera Makonikoshwa bamusimburana.

Nyuma yo guhoberana aba basore baririmbiye agace gato k’indirimbo yabo kugira ngo abafana babashe kumenya ko aribo ba nyabo ubundi bahita bava k’urubyiniro bajya kwishima, Radio yabwiye Inyarwanda.com ko batunguwe no kubona uyu muhanzi nyuma y’imyaka myinshi batabonana nyamara barabanye cyane mu gihugu cya Uganda.

SAT B ni umwe mubari batumiwe muri iki gitaramo

Radio abajijwe n’umunyamakuru wa Inyarwanda.com niba yarigeze amenya iby’uburwayi bwa Makonikoshwa yasubije ko babumenye ariko batagize amahirwe yo kumusura kwa muganga, uyu muhanzi yabwiye umunyamakuru ko ikimutunguye ari ukongera kubona uyu muhanzi nyuma y’uburwayi bukomeye yahuye nabwo.

Makonikoshwa yari afite abafana benshi muri iki gitaramo

Uyu muhanzi ubarizwa mu itsinda rya Good Lyfe yaboneyeho gutangariza umunyamakuru ko igihe cyose uyu muhanzi yashakira ubufasha ubwo aribwo bwose kuri aba basore biteguye kubumuha kuko babanye cyera cyane ndetse ubuzima butaraba uko buri uyu munsi kuri Radio na Weasel.

Reba andi mafoto:

Nubwo ataratora agatege cyane Makonikoshwa k'urubyiniro yakoresheje imbaraga nyinshiRadio na Weasel bo muro Good Lyfe bamutunguye bamusanga k'urubyiniroMakonikoshwa yahobeye cyane RadioMakonikoshwa yahise ahobera nanone WeaselMakonikoshwa yahoberanye bikomeye na WeaselBahise batangira kubwira abafana ko baziranye kuva cyera