Miss Iradukunda Liliane na Miss Iradukunda Elsa bifatanyije n’urubyiruko rwasoje amasomo i Wawa-AMAFOTO

Mu butumwa Nyampinga w’u Rwanda 2018 Iradukunda Liliane yageneye urubyiruko rurenga gato 1700 rusoje ayo mahugurwa yabahaye umukoro wo kuba aba mbere mu kurwanya ibiyobyabwenge no kurinda bagenzi babo batarabijyamo kuko aribo bazi neza ububi bw’ibiyobyabwenge kurusha undi wese kuko babiciyemo kandi bakaba barabiretse nk'uko babyivugira. Yagize ati:

Ndabinginze nka mushiki wanyu mwe murangije aha nimuze dufatanye turwanye ibiyobyabwenge ndetse tunarinde abatarabijyamo ntibazabigemo kuko ni bibi ni ibitwicira ubuzima n’igihugu gusa, kandi mwe ubu ni mwe mwabikora neza kuko muzi neza ububi bwabyo kandi mubishatse twe nk’urubyiruko twabirwanya bigakunda.

Mu rubyiruko rurangije i Wawa harimo abize ubwubatsi, kubaza, kudoda, guhinga aho yababwiye ko ibyo bize byababera impamba nziza yo kwiteza imbere. Yongeye kubasaba ko bakwirinda ingaru (ababa barasezerewe bagasubirayo) ko bisa nko gukurwa mu isayo bamara kukoza ukanga ukisubiriramo.

Miss Rwanda 2018 Iradukunda Liliane yari ari kumwe na Miss Rwanda 2017 Iradukunda Elsa ndetse na Nyiramongi Odette umufatanyabikorwa wa Miss Rwanda akaba ari nawe nyiri Paradis Malahide ndetse na Paradis Kivu ari nayo aba banyampinga bacumbitsemo muri iyi minsi. Umwaka ushize Nyiramongi Odette yatanze inka yise Rukundo ubwo yasuraga Iwawa ari kumwe na Miss Rwanda 2017 no kuri iyi nshuro nyuma yo gukurikira uyu muhango yatanze indi nka yiyongera ku zabyawe n'iya mbere kugira bakomeze bakamirwe.

Mu mazi berekeza i WawaMiss Rwanda 2018 na Miss Rwanda 2017 bose bari bitabiriye uyu muhangoMiss Rwanda 2018 Iradukunda Liliane ageza ijambo ku rubyiruko rwari ruri ahoMiss Rwanda 2017 Iradukunda Elsa yaganirije uru rubyiruko naweUyu mubyeyi yongeye kugabira ikigo cya Iwawa inkaAbarangije amasomo i Wawa bahawe impamyabumenyiBafashe amafoto y'urwibutso