RFL
Kigali

KWIBUKA 23: Senderi yageneye ubutumwa abanyarwanda anasobanura byinshi ku ndirimbo yahuriyemo n'urubyiruko rwa Nyarubuye

Yanditswe na: Emmy Nsengiyumva
Taliki:7/04/2017 7:18
0


Sender Hit ni umuhanzi wamenyekanye cyane mu ndirimbo zo gufasha abanyarwanda kwibuka ababo bazize Jenoside yakorewe abatutsi mu 1994, uyu muhanzi mu rwego rwo kwifatanya n’abanyarwanda kwibuka ababo bazize Jenoside yakorewe abatutsi mu 1994 ku nshuro ya 23 yifashishije indirimbo yakoranye n’urubyiruko rwa Nyarubuye.



Senderi aganira na Inyarwanda.com yabwiye umunyamakuru ko muri uyu mwaka agiye kwifatanya n’abanyarwanda mu gikorwa cyo kwibuka ku nshuro ya 23 yifashishije ibihangano bye nk’umuhanzi.  Senderi yatangaje ko afite indirimbo nyinshi ari gukoraho gusa ku ikubitiro akaba yongeye gushishikariza abanyarwanda gukurikira indirimbo ivuga amateka mabi y’ibyabereye i Nyarubuye, indirimbo yakozwe na Senderi afatanyije n’urubyiruko rwo muri kariya gace ko mu karere ka Kirehe bakaba barayise’ Turiho’.

senderiKu mabuye yo muri Nyarubuye ni ho bafatiye amashusho

Iyi ndirimbo Senderi n’uru rubyiruko rukomoka mu karere ka Kirehe bayishyize hanze mu kwezi kwa Kamena 2016 gusa ku bwa Senderi ngo iyi ndirimbo we n'abo bayikoranye barayifata nk’indirimbo nshya kuko ubutumwa burimo n'ubundi buzafasha abanyarwanda kwiyumvira ubuhamya bw’abana ba Kirehe bagera kuri mirongo itanu baririmbamo buri wese ibyamubayeho.

Uyu muhanzi mu kiganiro yahaye Inyarwanda.com yashoje agira ubutumwa aha urubyiruko n’abanyarwanda muri rusange muri iki gihe cyo kwibuka ku nshuro ya 23 aho yagize ati” Ndashishikariza abanyarwanda cyane cyane urubyiruko kwibuka barwanya ingengabitekerezo ya Jenoside ariko nanone barinda ibyagezweho kuko hari ababiharaniye yaba abariho n'abatakiriho, ariko bose uburyo bwo kubitura bukaba kurinda ibyagezweho ntibyangirike.”

REBA HANO IYI NDIRIMBO YA SENDERI N'URUBYIRUKO RWO MURI NYARUBUYE






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND