Ahabanza Imyidagaduro

KWIBUKA 23: MINISPOC n’ibigo biyishamikiyeho bibutse abahoze ari abakozi ba MIJEUMA-AMAFOTO

Yanditswe na: Emmy Nsengiyumva
Taliki:24/06/2017 12:03 0

Kuri uyu wa Gatanu tariki 23 Kamena 2017 kuri Petit Stade i Remera ni bwo Minispoc ifatanyije n’ibigo biyishamikiyeho bakoze igikorwa cyo kwibuka ku nshuro ya 23 abahoze ari abakozi ba MIJEUMA bishwe muri Jenoside yakorewe abatutsi.

Mu rwego rwo Kwibuka ku nshuro ya 23 Jenoside yakorewe Abatutsi mu 1994, Minisiteri ya Siporo n’Umuco (MINISPOC) ifatanyije n’Ibigo biyishamikiyeho, abafatanyabikorwa mu iterambere rya siporo n’umuco, ndetse na Ministeri y’Urubyiruko n’Isakazabumenyi mu Ikoranabuhanga (MYICT) yibukaga abari abakozi b’iyahoze ari MIJEUMA (Ministère de la Jeunesse et des Mouvements Associatifs), ndetse n’abahoze ari abafatanyabikorwa n’abakunzi ba siporo n’umuco bazize Jenoside yakorewe Abatutsi mu 1994.

Insanganyamatsiko yo kwibuka muri uyu mwaka wa 2017 iragira iti :“Twibuke Jenoside yakorewe Abatutsi, Turwanya ingengabitekerezo ya Jenoside, dushyigikira ibyiza twagezeho.” Uyu muhango ukaba witabiriwe n'abakozi b’izi Minisiteri ndetse n'abakozi b’ibigo bizishamikiye cyo kimwe n’abafatanyabikorwa bazo. Ni umuhango waranzwe n’ubuhamya bwa bamwe mu bari bitabiriy, umwanya w'indirimbo ndetse n’amagambo mbwirwa ruhame yatangiwe aho yakanguriraga abantu kwirinda icyatuma Jenoside yongera kubaho ukundi.

Umushyitsi mukuru muri uyu mugoroba yari umunyamabanga uhoraho muri MINISPOC Lt Col. Patrice Rugambwa ari nawe wavuze ijambo risoza uyu mugoraba. Lt. Col Patrice Rugambwa mu ijambo rye yagize ati "Ubwo Jenoside yabaga kirazira zari zaravuyeho. Nitwimakaze kirazira z'umuco nyarwanda, Jenocide ntizongere. Niba hari ugifite ingengabitekerezo amenye ko idashyigikiwe."

REBA AMAFOTO:

Mariya Yohana yataramanye n'abari aho mu ndirimbo zeUmunyarwenya Atome agerageza gusobanurira abanyamahanga bari kumweSkizzy ari mu bakurikiye uyu muhangoBamwe mu miryango y'abishwe muri Jenoside bari bitabiriyeAbakozi ba Minispoc n'ibigo biyishamikiyeho bari bitabiriyeUmuhanzikazi Claire yifatanyije n'abari muri uyu muhangoArageza ku bari bateraniye aho umuvugoBakurikiranye uko umuhango uri kugendaUmuhanzi Tuyisenge yari mu bitabiriyeUmuhanzi Mukasa Joseph yatanze ubuhamyaJean Butoyi uhagarariye ihuriro ry'abanyamakuru ba siporo yari yitabiriye uyu muhangoUmuhanzi Bonhomme mu ndirimbo ze yifatanyije n'abari ahoUwari uhagarariye Ibuka yagejeje ubutumwa ku bari bateraniye ahoAbakozi bose bari bitabiriyeUmunyamabanga uhoraho muri MINISPOC ageza ubutumwa ku bitabiriye uyu muhango