Kuba bombi ari abanywi b’ibiyobyabwenge ni imwe mu mpamvu yatumye uyu mukino batazawukiniro i Las Vegas nk’uko byari byitezwe, gusa ikiruta ibindi byose bifuza ni ukwinjiza amafaranga menshi kuri uyu mukino.
Mu mategeko agenga umukino w’iteramakofe muri Amerika, abakina bagomba kubanza gufatwa ibizami bagapimwa niba badakoresha ibiyobyabwenge, impande zombi, yaba kuri Chris Brown ndetse yaba na Soulja Boy nta n’umwe wizeye gutsinda iki kizami, dore ko bose bafata ibiyobyabwenge. Ibi ntibyatumye bacika intege ngo basubike umukino ahubwo bawimuriye i Dubai aho amategeko atazabazitira cyane.
Nk’uko TMZ ibivuga, ngo bamwe mu nshuti za Chris Brown ndetse n’iza Soulja Boy bemeza ko buri wese yanga undi bihagije ku buryo ntawe udashishikajwe n’uyu mukino, imyitozo ikaba irimbanije, Floyd Mayweather usanzwe ari intyoza mu iteramakofe akaba ari we ushyigikiye Soulja Boy, ni mu gihe Chris Brown we ashyigikiwe na Mike Tyson nawe wahoze akina iyi mikino ndetse akaba yaremeje ko ari kumukoresha imyitozo abisabwe na 50 Cent watangaje ko yifuza kubona Chris Brown akubita akanatsinda Soulja Boy.
Iyi shusho yakozwe hagaragazwa uburyo buri ruhande rushyigikiwe, 50 Cent nawe ari inyuma yatsa umuriro ariko ashyigikiye Chris Brown
Soulja Boy kandi aherutse gutangaza abinyujije kuri Instagram ko akeneye abantu bamuha imyitozo ngo yongere ibiro areke kuba ‘Soulja Boy’ ahubwo abe ‘Soulja Man’ dore ko asanzwe ari umusore w’igara rito Chris Brown aruta.
Bombi kandi batangaje ko amafaranga azava muri uyu mukino bazayakoresha bafasha abantu nyamara hari amakuru avuga ko hari amwe azajya mu mifuka yabo.
Eng
RSS 
TANGA IGITECYEREZO