RFL
Kigali

KMG irataramira abakunzi ba muzika mu gitaramo ‘One Love Jam party’

Yanditswe na: Mupende Gedeon Ndayishimiye
Taliki:25/06/2016 8:41
0


Kuri uyu gatandatu tariki 25 Kmena 2016 mu mujyi wa Kigali kwa RASTA kuri One Love kuva saa kumi n’imwe z’umugoroba kugeza saa tanu z'ijoro harabera igitaramo cyateguwe na Kitenge Music Group (KMG). Ni igitaramo cyiswe ‘One Love Jam party music for life’ kikaba cyaratumiwemo abahanzi batandukanye.



Rukundo Alain uzwi nka Andriss Ellavy yatangarije Inyarwanda.com ko muri icyo gitaramo cyo ku mugoroba w’uyu munsi, hateganyijwe byinshi byiza biri bishimishe abakunzi ba muzika nyarwanda. Kimwe mu dushya duhari ni aho abaraperi batandukanye baza kuririmba mu njyana imwe (Cypher) ndetse hakaba hari n’abahanzi bari buririmbe batigeze bashyirwa mu itangazamakuru.

Abahanzi batumiwe muri icyo gitaramo ndetse banatangazwa mu itangazamakuru , duhereye ku baraperi hari: Green P, Dj Amah, M Izzo na Ceddy Dang. Mu baririmbyi hari: itsinda KMG na Sintex. Biteganyijwe ko Mc Phil Peter ariwe uza kuyobora iki gitaramo cya KMG aho kwinjira ari ukwishyura ibihumbi bitatu ugahabwa n'icyo kunywa ku buntu.

Nk’uko Rukundo Alain umuyobozi wa Kitenge African Fashion Design akomeza abitangaza, muri icyo gitaramo kandi haraza kuba hari ibicurangisho bitandukanye biza gukoreshwa n’umuntu wese ushaka kandi ushoboye gukora umuziki wa Live.

afiche kitenge

KMG ni itsinda ribarizwa muri Kitenge African Fashion Design ihuriza hamwe abakora ibikorwa by’umuziki, imideri, ababyinnyi n’abafite impano mu gushushanya. KMG igizwe na Ellavy Mix touch uzwi nka C-Boy, Don.I uzwi nka Showboy, Wiklie uzwi nka Wikpedia ndetse na Nella.

Itsinda ry’abanyamideri rikorera muri Don Kelly Fashion Agency ikuriwe na Nangiribi Innocent. Ku bijyanye no kubyina(Dance) intego yabyo ni ukwigisha no guhugura ababyinnyi mu njyana ya Regembe(teach and train dancers in Regembe Sytle).

Intego nyamukuru ya Kitenge African Fashion Design ni ukuzamura imyambaro ya kinyafrika n’iterambere ry’impano mu rubyiruko rw’u Rwanda. KGM yo ifite umwihariko wo kuzamura umuziki no guteza imbere impano ziri muri Kigali African Fashion Design.

IMG_2441

Uyu mukobwa yambitswe na Kitenge Fashion Design

Kuri kandi KMG bashyize hanze indirimbo nshya bise ‘Enjoy’ ikaba ifite ubutumwa bukangirira abantu kwishima no kwishimisha bakishimira ubuzima babayeho bagaharanira gukora ibyiza bakiriho.

UMVA HANO 'ENJOY' YA KMG






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND