RFL
Kigali

BREAKING: Abagororwa 2140 barimo Kizito Mihigo na Victoire Ingabire bafunguwe

Yanditswe na: Janvier Iyamuremye
Taliki:14/09/2018 22:22
9


Hashingiwe ku bubasha bwa Perezida wa Repubulika bwo gutanga imbabazi, Abagororwa 2140 barimo Kizito Mihigo na Victoire Ingabire Umuhoza bafunguwe.



Uyu munsi Inama y’Abaminisitiri, iyobowe na Perezida wa Repubulika Paul Kagame, yemeje ifungurwa ry’abagororwa 2140. Muri abo harimo Kizito Mihigo na Ingabire Victoire Umuhoza, bakuriweho igihe cy’igihano bari basigaranye, hashingiwe ku bubasha bwa Perezida wa Repubulika bwo gutanga imbabazi, nyuma y’ubusabe bwabo buheruka bwo muri Kamena uyu mwaka. Nk'uko bikubiye mu itangazo InyaRwanda.com dukesha Minisiteri y'Ubutabera, dore abafunguwe mu turere dutandukanye; 

1.     Imibare y’abarekuwe mu ma gereza atandukanye:

·      Bugesera: 23

·      Nyarugenge: 447

·      Musanze: 149

·      Gicumbi: 65

·      Nyanza: 63

·      Rubavu: 158

·      Rwamagana: 455

·      Nyagatare: 24

·      Huye: 484

·      Muhanga: 207

·      Ngoma: 35

·      Rusizi: 7

·      Nyamagabe: 23

2. Ingingo za 245 na 246 ry’Itegeko ryerekeye imiburanishirize y’imanza z’inshinjabyaha riteganya ko umuntu wakatiwe igifungo kitarengeje imyaka itanu akaba amaze gufungwa kimwe cya gatatu (1/3) cyayo;  cyangwa uwakatiwe igifungo kirengeje imyaka itanu (5) akaba amaze gufungwa bibiri bya gatatu (2/3) byayo; cyangwa umaze imyaka makubyari akatiwe igifungo cya burundu cyangwa igifungo cya burundu y’umwihariko, ashobora gufungurwa by’agateganyo iyo: 1° yagaragaje ibimenyetso bihagije by’ubwitonzi n’iyo agaragarwaho impamvu nyakuri zihamya ko azabana neza n’abandi; 2° arwaye indwara ikomeye idashobora gukira, byemejwe n’itsinda ry’abaganga nibura batatu (3) bemewe na Leta;

3. Ingingo ya 109 y’Itegeko Nshinga rya Repubulika y’u Rwanda ivuga ko Perezida wa Repubulika afite ububasha bwo gutanga imbabazi mu buryo buteganywa n'amategeko kandi amaze kubigishamo inama Urukiko rw'Ikirenga

4. Madamu Ingabire yari yarakatiwe imyaka 15 n’Urukiko rw’Ikirenga muri 2013, naho Bwana Mihigo yari yarakatiwe imyaka 10 n’Urukiko Rukuru muri 2015.

JPEG - 53 kb

Tariki 27 Gashyantare 2015 nibwo Kizito Mihigo yakatiwe igifungo cy’imyaka 10






TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • thoms5 years ago
    nukuri nibyiza biratunijeje gusa umuyoboziwacu akoze ibintu byiza cyane agombagushimirwa
  • Freddy5 years ago
    kizito ndishimye kuba afunguwe nagire agarukire Imana, naho muzehe wacu ukoze neza p
  • Abdoul5 years ago
    Welcome back in society Kizito Mihigo and Victoire Ingabire ubwitonzi mwagaragarije muri gereza muzabukomereze no hanze kdi muzirinde kongera kugendera mubidasobanutse ushaka gukora politiki mu Rwanda hari Democracy bazabisaba babyemererwe n'amategeko anyway ndashimira cyane H.E Paul Kagame ukoze ikintu kiza cyane wakoze cyaneee.
  • brian Nkunzimana5 years ago
    thank you Mr. Kagame, you have lifted off a burned over these prisoners.
  • mansa sultan5 years ago
    Nyamara Imana yatwihereye umuyobozi udasanzwe tujye tuyishima cyane,nakomeze atere imbere kdi Imana ibe muruhande i mean his excellence paul kagame
  • Lion5 years ago
    Arko genda kagame wacu uratangaje. Ese nihe Hanoi kuri iyisi babona perezida umeze nkawe? Ubabarira abaguhemukiye, ugirira impuhwe abababaye? Ufasha abakene, urenganura abababaye, ufasha impfubyi, sita kubapfakazi. Ndabizi si wowe ubyikoresha ahubwo ni umwuka wimana ukurimo. Imana iyihe umugisha kuko natwe abanyarwanda watubereye umugisha. Buri gihe ushaka icyanezeza abanyarwanda. Uwampa amahirwe yo kukugera imbere nakubwira byinshi biri kumutima.
  • Mutoni5 years ago
    Umv mubwire yverry agabanye imyirato koko kwita abahanzi imbeba agabanye ibinu arimo gupostinga kuri page ye mubyiteho
  • uwababyeyi jeanne5 years ago
    sinzi icyo navuga gusa njyewe birandenga iyo ntekeje kumuyobozi wacu president poul Kagame numva mukunze cyane uwampa kubonana nawe naba ngeze kubyifuzo byanjye .akora ibikorwa byindashyikirwa Imana izamuhembe ijuru nicyo mwifuriza
  • 5 years ago
    yuhuuu ntcyo mvuze icyo nzicy this isn't fair





Inyarwanda BACKGROUND