Kiwundo Entertainment yamuritse studio nshya ijyanye n'ibihe, bigarama iby'amasezerano ya Bruce Melody na Charly na Nina -AMAFOTO

Kiwundo Studio ni inzu itunganya muzika ikoze mu buryo bugezweho cyane ko ari imwe muri nke ziri mu karere umuntu ashobora gukoreramo indirimbo mu buryo bwa Live cyane ko ibyuma byose byo gucuranga biri muri iyi studio, usibye ibi ariko nanone nkuko byatangajwe ngo iyi studio izajya ikoreramo aba producer batandukanye barangajwe imbere n’umugande Just Jose wamenyekanye akora ‘Byemere’ ya Knowless na Vampino.

Just Jose kuri ubu ni we uri gukorera muri iyi studio. Uretse uyu ariko hazaba hari n'abandi bazajya bakorera muri iyi studio n'ubwo atari abazajya baba bahahora barimo Pastor P, Washington ndetse na Nessim bazajya baza rimwe na rimwe baje gukorera abahanzi hano mu Rwanda. Richard umuyobozi wa Kiwundo ubwo yagarukaga ku mpamvu yo gushinga iyi studio yabwiye abanyamakuru ko iyi studio yayikoze mu rwego rwo gushyigikira abahanzi ba hano mu Rwanda bari bamaze igihe bajya hanze gushaka uko babona ahari studio imeze nk’iyi ya Kiwundo.

Abajijwe ku kijyanye n’abahanzi bamaze iminsi bavugwa muri iyi studio umuyobozi wa Kiwundo yahise agaruka kuri Charly na Nina atangaza ko aba batarasinya muri Kiwundo cyane ko usibye no gusinyana nabo nta na numero zabo afite ngo abe yarabavugishije. Uyu mugabo yakomeje icyakora yemera ko bishoboka ko buri muhanzi wese yafashwa na Kiwundo ariko abazaba bafashwa na Kiwundo bose bakaba batazaba basinye amasezerano y’imikoranire nabo.

Iki gisubizo yatanze kuri Charly na Nina gisa ni icyo yatanze kuri Bruce Melody nawe byavugwaga ko basinyanye amasezerano. Gusa bemeje ko hari ibyo bari gukorana ariko bitavuze ko hari amasezerano basinyanye ahubwo. Richard umuyobozi wa Kiwundo asanga kuba yagira ibyo afasha Bruce Melody nk’umuntu ukunda muzika ye bitavuze ko ari umuhanzi wasinye muri Kiwundo.

Ibyuma byiganjemo ibigezweho ni byo biri muri iyi studioRwema Dennis ni we manager w'iyi studio ya KiwundoDj Theo na David Bayingana bari baje gutaha iyi studioAbakobwa b'uburanga ni bo bahaga ikaze abashyitsiSpax wahoze muri Kiwundo yari yaje kwishimira ibyagezwehoDiplomate(hagati) wahoze muri Kiwundo nawe yari yaje kwishimira ibyagezweho

Justin Jose wakoze byemere ya Knowless na Vampino ubu ni we uri gukorera muri Kiwundo

Vampino ukuriye abahanzi bo muri Kiwundo nawe yari yaje gutaha iyi studioMico The Best nawe yari yitabiriye uyu muhango

AMAFOTO: NSANZABERA J Paul