Umuhanzi King Phylosophe, musaza w’umuraperikazi Young Grace, yashyize ahagaragara amashusho y’indirimbo ye nshya yise ‘Blessing’ ahuriyemo na bagenzi be bo muri Label ya The Cookers bakorana muri studio ya Kitchen music na Kitchen pictures.com aribo First Month na Mahombi.
Mu kiganiro n’uyu muhanzi ukomeje kugenda abyinjiramo buhoro buhoro atera ikirenge mucya mushiki we, yadutangarije ko iyi ari indirimbo ikubiyemo ubutumwa bugaragariza abantu ko buri wese ku isi afite icyo Imana yamugeneye ku buryo atari byiza kwikanira umugisha w'undi.
King Phylosophe asanzwe akunda gufashanya na mushiki we mu myandikire y'indirimbo
King Phylosophe ati “ Muri iyi ndirimbo mba nshaka kwerekana ko burya umugisha wawe ntaho uhuriye n’uwa mugenzi wawe. Ni ukuvuga ngo buri wese afite uko Imana yamugeneye agomba kuzabaho ndetse n’impano zitandukanye. Ni indirimbo ya Gospel.”
Reba hano amashusho y'indirimbo 'BLESSING'
Nyuma yo gushyira ahagaragara amashusho y’iyi ndirimbo, uyu musore avuga ko akazi gakomeje, abo igikorwa kimirije imbere ari ugafata amashusho y’indirimbo yise Doctor, ibi byose bikaba bitunganyirizwa muri studio ye bivugwa ko ayifatanyije na mushiki we Young Grace.
Nizeyimana Selemani
Eng
RSS 
TANGA IGITECYEREZO