Umuhanzi King James uhamya ko yiyemeje kugenda ashyira udushya dutandukanye mu bihangano bye, ubu noneho yinjiye mu njyana z’abanyarwanda bo ha mbere aho yakoze indirimbo yitwa “Ganyobwe” izwi cyane mu ndirimbo zakunzwe kandi yumvukanamo ururimi rw’igikiga cyo mu bice by’ahahoze hitwa i Byumba.
Mu kiganiro King James yagiranye na Inyarwanda.com ubwo yatugezagaho iyi ndirimbo ye nshya yitwa “Ganyobwe”, yadutangarije ko nk’uko amaze iminsi abikora mu bihangano bye buri gihe aba atekereza uburyo bushya yakoramo muzika ye buba butandukanye n’uko abantu baba babyiteze, ibi byose akagenda abikora yibanda ku mwimerere w’umuziki wumvikanamo injyana nyarwanda ariko inavanzemo ibicurangisho bigezweho.
By’umwihariko kuri iyi ndirimbo yumvikanamo “Ikinimba” kandi ikanabamo ururimi rw’igikiga kimenyerewe mu bice by’amajyaruguru ahahoze hitwa i Byumba, inumvikanamo umudiho uzwi cyane mu mbyino zakunze gucishwa cyane mu bitaramo nyarwanda hambere kandi bigakundwa, gusa uburyo uyu muhanzi yabihinduye akongeramo n’injyana ya kinyafurika yiteze ko bizashimisha abanyarwanda kandi bigatanga indi sura nshya ku muziki wa King James.
UMVA HANO INDIRIMBO "GANYOBWE" YA KING JAMES
Manirakiza Théogène
Eng
RSS 
TANGA IGITECYEREZO