Ku itariki ya 8 Kamena 2018 ni bwo umuririmbyi akaba umwanditsi ndetse n’umunyamakuru Adolphe Bagabo wamamaye nka Kamichi Karidinal wakoraga injyana ya Afrobeat mu Rwanda, yasezeranye imbere y’amategeko n’umukunzi we mu muhango wabereye mu Mujyi wa Knoxville muri Leta ya Tennessee ari naho atuye.
Kamichi yasezeranye n’umukunzi we yaherukaga kwambika impeta y’urukundo amusaba kubana akaramata muri Mata 2018. Kamichi Cardinal wamamaye mu ndirimbo ‘‘Aho Ruzingiye’’, ‘‘Barandahiye’’, ‘‘Byacitse’’, ‘‘Kabimye’’, ‘‘Ifirimbi ya Nyuma’’, ‘‘Imitoma Irenze’’ n’izindi, amaze imyaka isaga ine atuye ku butaka bwa Leta Zunze Ubumwe za Amerika aho yagiye ajyanye n’umukunzi we w’umunyamerikakazi ariko yahagera ntibigende neza mu rukundo rwabo atangira ubuzima bushya kuri ubu akaba yamaze gushaka umugore mushya.
Nyuma yo gusezerana imbere y’amategeko Kamichi yemereye ikinyamakuru Igihe ko ubukwe bwe buzaba tariki 14 Gashyantare 2019 n'ubwo atigeze agaruka ku hantu buzabera. Tubibutse ko uyu muhanzi mu minsi ishize byatangajwe ko yamaze kwinjira muri Mo Music iyobowe na Lick Lick ugiye kumufasha ibijyanye na muzika.
Kamichi n'umufasha we wemewe n'amategeko
Kamichi hamwe n'umukunzi we
Muri Mata 2018 yari yambitse impeta umukunzi we
Eng
RSS 
TANGA IGITECYEREZO