RFL
Kigali

Jay B amaraso n’isura nshya mu ruhando rwa muzika, ahamya ko aje kwigaragaza nta gusubira inyuma – VIDEO

Yanditswe na: Seleman Nizeyimana
Taliki:28/08/2015 14:34
6


Nyuma yo gushyira ahagaragara amashusho y’indirimbo ye ya mbere yise Sinakureka, umuhanzi uzamuka witwa Jay B arahamya ko atangiye intangiriro zo gukabya inzozi yahoranye kuva mu bwana bwe zo kuba umuhanzi ukomeye no kugirira akamaro umuryango ku bw’impano ye yo gukora muzika.



Nk’uko uyu musore yabidutangarije ubwo yatugezagaho iyi ndirimbo yakozwe na Junior Multisystem mu buryo bw’amajwi naho amashusho yayo agatunganywa na Fayzo, yadutangarije ko afite imishinga myinshi ikomeye arimo ategura ndetse nubwo akiri mushya yifuza kuzamura byihuse umuziki we mu buryo bw’ubunyamwuga.

Reba amashusho y'indirimbo 'Sinakureka'

Ati “ Intego yanjye ni ukuzamura umuziki wanjye mu buryo bw’ubunyamwuga  nkifashisha ingero z’abahanzi nyarwanda bambanjirije bityo nanjye nkabasha kumenyekana ibyo nkora bikabyara umusaruro kuri njye, inshuti, igihugu n’abavandimwe.”

Tuyisabe Mporanyimana Jean Baptiste wahisemo gukoresha amazina ya Jay B mu ruhando rwa muzika, avuga ko yumva umuziki we utagomba kugarukira mu Rwanda gusa ko ahubwo ugomba kwambuka imipaka.

Jay B

Ati “ Nyuma y’iyi ndirimbo mfite izindi muri studio harimo iyo ndigukorana na Ama-G, Mico, Aimee na Davis, hari n’indi na Jay Polly na Bruce Melody, bose barangije kuririmbamo uretse Bruce Melody kuko yari amaze iminsi ahugiye muri Guma Guma, ariko izo sizo project zonyine mfite kuko ndifuza gukora cyane byibura abanyumva ntibambure cyangwa ngo bankumbure, ikindi ni ukureba mu ruhando rw’ahandi ndamutse mbifashijwemo n’itangazamakuru mbese nkagura umuziki no hanze y’u Rwanda.”






TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • jedos8 years ago
    good ariko live music
  • Umusaza8 years ago
    Sha jya gucuruza inyanya naho ibyinjyana byo byibagirwe kabisa ahahah
  • Muzee8 years ago
    Uyu we ndibaza ko yibeshye umwuga!!
  • danny8 years ago
    Sha nange ntyo kbsa
  • Aime8 years ago
    Sha abanyarwanda ntibanyura..courage iyi nyimbo ni sawaa bwana
  • Amanda8 years ago
    nubwo gutangira bigora..komerezaho ntucike intege utngiye neza tukuri inyuma..





Inyarwanda BACKGROUND