RFL
Kigali

Itsinda ry'abacuranzi U2 riyoboye urutonde rw’ibyamamare 30 ku Isi byinjije akayabo muri 2018

Yanditswe na: Janvier Iyamuremye
Taliki:6/12/2018 14:33
0


Abanyamuziki Ed Sheeran, U2, Coldplay, Jay-Z ndetse na Katty Perry baje ku rutonde rwakozwe n’ikinyamakuru Forbes Magazine rw’ibyamamare binjije amafaranga menshi muri uyu mwaka wa 2018 uri kugana ku musozo.



Uru rutonde rwasohotse kuri uyu wa kabiri tariki 04 Ukuboza 2018 rugaragaraza ibyamamare 30 mu ngeri zinyuranye binjije amafaranga menshi muri uyu mwaka.  Itsinda ry’abacuranzi U2 ni bo bayoboye uru rutonde rw’ibyamamare 30 binjije akayabo muri 2018. Amafaranga menshi bayasaruye mu bitaramo mpuzamigabane bise ‘Joshua Tree” bishimira alubumu yabo bakoze mu 1987.

Ibi bitaramo bakoze byatumye binjiza amadorali miliyoni 118 havuyemo umusoro kuva tariki 01 Kamena 2017 kugeza tariki 01 Kamena 2018. Forbes ivuga ko iri tsinda ryigaruriye umubare munini w’abafana binyuze mu ndirimbo bakubiye kuri alubumu yabo bise “The Joshua Tree” iri ho indirimbo “Where the Streets Have No Name,” “With or Without You” and “I Still Haven’t Found What I’m Looking For.” n’izindi. 

Iri tsinda kandi andi mafaranga ryinjije muri uyu mwaka ryayasaruye mu bitaramo bakoze bise “Experience + Innocence.”  Itsinda ry’abongereza Coldplay riri ku mwanya wa kabiri ku rutonde rwa Forbes na madorali miliyoni 115.5 bakuye mu bitaramo bakoze bise “A Head Full of Dreams”.

Taylor Swift, Beyonce na Bruno Mars baje ku rutonde rw'ibyamamare 30 binjije agatubutse muri 2018.

Ed Sheeran w’imyaka 27 mu myaka ibiri ishize yakoze ibitaramo bizenguruka imigabane itanu. Ari ku mwanya wa Gatatu na madorali miliyoni 110, akurirwa na Bruno Mars uri ku mwanya wa kane, ufite amadorali miliyoni 100, ndetse na Katy Perry uri ku mwanya wa Gatanu na madorali miliyoni 83. 

Aya mafaranga aba bahanzi binjije yabazwe nyuma gukuramo amafaranga y’imisoro, ayo bahaye abajyanama babo, abanyamategeko babo ndetse n’abashinzwe kubashakira amaso.


Urutonde rw’ibyamamare 30 binjije agatubutse muri 2018.

1. U2 ($118 million)

2. Coldplay ($115.5 million)

3. Ed Sheeran ($110 million)

4. Bruno Mars ($100 million)

5. Katy Perry ($83 million)

6. Taylor Swift ($80 million)

7. Jay-Z ($76.5 million)

8. Guns N' Roses ($71 million)

9. Roger Waters ($68 million)

10. Diddy ($64 million)

11. Beyoncé ($60 million)

12. Kendrick Lamar ($58 million)

13. The Weeknd ($57 million)

14. The Eagles ($56 million)

15. Depeche Mode ($53 million)

16. Pink ($52 million, tie)

16. Luke Bryan ($52 million, tie)

18. Jimmy Buffett ($51 million)

19. Lady Gaga ($50 million)

20. Calvin Harris ($48 million)

21. Paul McCartney ($47.5 million)

22. Drake ($47 million, tie)

22. Jennifer Lopez ($47 million, tie)

22. Foo Fighters ($47 million, tie)

25. Elton John ($46 million, tie)

25. Metallica ($46 million, tie)

27. Garth Brooks ($45.5 million, tie)

27. The Chainsmokers ($45.5 million, tie)

29. Billy Joel ($43.5 million)

30. Rolling Stones ($39 million)






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND