Intambara y’amagambo yavutse hagati ya Jay C na Khalfan bapfa kuyobora injyana ya Hip Hop mu Rwanda –VIDEO

Ubwo yari avuye ku rubyiniro mu gitaramo cyabereye i Rubavu, mu kiganiro n’abanyamakuru Khalfan yatangaje ko ayoboye iyi njyana nyuma y’igihe itari iyobowe. Yagize ati”Ndi umwami nari nambaye nk'umwami iyi njyana yari yarabuze nyirayo ndumva byari igihe cyo kwerekana umuntu ukwiriye iyi njyana ni njye nyirayo kugeza aka kanya, abiyita abami b’iyi njyana ntabo nzi, Bull Dogg ni umuntu nemera ariko ntabwo ari umwami ni njye mwami w’iyi njyana nabyerekanye cyereka niba abantu batabibonye.”

Jay C ntiyumva ukuntu Khalfan yiyita umwami

Nyuma yo kuganira na Khalfan ubwo umuraperi mugenzi we Jay C yavaga ku rubyiniro mu kiganiro n'abanyamakuru yabajijwe ku magambo Khalfan yatangaje maze agira ati” Nta mwami wiyimika, njye ubusanzwe sinihamagara barampamagara ubwo rero niba yihamagaye ubwo niyitabe, ariko niba tuzamuhamagara azitaba nta muntu ndumva amuhamagara umwami cyangwa niba bamwimitse ubwo nta ribi…”

Khalfan ahamya ko injyana ya Hipo Hop yari yarabuze nyirayo ubu akaba yamaze kuyifata akaba ariwe uyiyoboye

Jay C yabajijwe uwo abona uyoboye iyi njyana yatangaje ko iyi njyana ku bwe asanga iyobowe n'abaraperi kandi mu mubare w’abayiyoboye nawe arimo nubwo na Khalfan nawe yajya mu mubare munini w’ibikomerezwa bayoboye iyi njyana. Jay C yongeyeho ati” Niba mushaka ko mberurira Khalfan si umwami”.

Tubibutse ko aba baraperi uko ari babiri bahuriye muri PGGSS8 ari ubwa mbere bayigiyemo nyuma yo gukora igihe kinini ariko bataragira amahirwe yo kwitabira iri rushanwa. Kuba umuhanzi asa naho agifatisha agahita yumva ko ayoboye injyana ya Hip Hop bamwe bavuye aho batekereza ko impamvu ari uko abaraperi bamwe bakoze kuva na cyera baba baragabanyije amarere ku buryo buri wese wakora yafatwa nk’igikomerezwa muri iyi njyana.

REBA HANO IKIGANIRO TWAGIRANYE NA JAY C NDETSE NA KHALFAN