RFL
Kigali

PGGSS8-Gikondo: Imyiteguro y’ahazakirizwa ababurana ari icumi, kwinjira si ubuntu-AMAFOTO+VIDEO

Yanditswe na: Janvier Iyamuremye
Taliki:13/07/2018 11:03
2


Imyiteguro irarimbanije i Gikondo mu Karere ka Kicukiro ahazabera igitaramo cya nyuma kizasiga hamenyekanye umuhanzi wegukanye irushanwa rya Primus Guma Guma Super Star ku nshuro ya munani. Ni igitaramo cyabanjirijwe n’ibindi bitaramo binyuranye byagiye binyura mu turere twa Gicumbi, Rubavu, Huye na Musanze, Bugesera na Gasabo.



Ni ku nshuro ya munani ibitaramo bya Primus Guma Guma Super Star biba. Tom Close yabimburiye abandi kubika iki gikombe mu kabati, n’abandi bakurikiraho barimo King James, Riderman, Knowless, Jay Polly, Dream Boys…..n’umuhanzi uzakegukana uyu mwaka utaramenyekana.

Urugendo rw’ibi bitaramo rumaze amezi ane rugiye gusorezwa i Gikondo mu Karere ka Kicukiro mu mujyi wa Kigali kuri uyu wa 14 Nyakanga 2018. Inyarwanda.com/TV yagendereye ahazabera iki gitaramo ireba aho imyiteguro igeze, inaganira na bamwe mu baturage bo mu mujyi wa Kigali no mu nkegero zawo batubwira uko biteguye iri rushanwa mu gihe habura amasaha make umunsi nyir'izina ukagera.

PRIMUS iragura amafaranga 500 Rwf...Umuterankunga mukuru w'irushanwa

Twahageze kuri uyu wa Kane ku isaha ya saa tanu n’iminota mike, dusanga urubyiniro ruzifashishwa n’abahanzi, aho inzoga n’ibindi bidasembuye bizaba biri, firigo, ibyapa byamamaza iri rushanwa byamaze gutunganwa, ubona ko hasigaye imirimo mike kugira ngo umunsi nyir'izina ugere byose byamaze gushyirwa ku murongo.

Bamwe mu baturage twaganiriye batubwiye ko biteguye kwakirana amashyushyu iri rushanwa cyane ko bari bamaze iminsi bumva banareba ibitaramo bibera mu ntara bategereje umunsi nyir'izina ngo nabo birebere abahanzi icumi bikundira.

Uwitwa Arichade yagize ati “Imyiteguro nayirebye, ndabona kuwa Gatadantu biza bishyushye. Nitegute neza cyane.” Uwitwa Thomas yavuze ko banyuzwe no kuba irushanwa ryabegereye bitewe n’uko ryari rimaze iminsi ribera mu zindi ntara, ati “Guma Guma rwose ibintu ni neza ntabwo yajya ibera hano yajya ibera kure none yatwegereye. Ubu rwose ni ikirori gikomeye muri Gikondo. Ebana tuzabyitabira neza kandi nzi ko abantu baza ari benshi.”

Nshimiyimana we avuga ko umunsi wa Gatandatu kuri we uzaba ari umunsi udasanzwe. Theoneste ucuruza mitiyu (M2U) hafi n’aho iki gitaramo kigiye kubera yavuze ko ari inyungu ikomeye kuri we kuko agiye kubona abakiriya benshi biturutse ku mubare uzitabira iki gitaramo. Ati “Usibye kuba mfana umuziki, n’abantu bariyongera bakaza tubahereza mitiyu nk’uko tuzicuruza amafaranga akiyongera, ibintu bikagenda byiyongera nyine inyungu nawe urabyumva ziriyongera.”

Avuga ko agiye kongera igishoro yakoreshaga mu bucuruzi bwe, ati “Urumva ni ukongera ibishoro tukazabahereza.” Solange Uwera nawe yavuze ko yiteguye kwitabira igitaramo cya Primus Guma Guma Super Star kizasiga hamenyekanye umuhanzi wegukanye irushanwa.

Abahataniye PGGSS8 ni: Jay C, Khalfan, Bruce Melody, Christopher, Mico The Best, Uncle Austin, Just Family, Active, Queen Cha, Young Grace. Amakuru ava muri EAP (East African Promoters) aravuga ko kwinjira muri iki gitaramo cya nyuma cya Primus Guma Guma Super Star ku nshuro ya munani, ni amafaranga igihumbi (1000Rwf), ni mu gihe kandi mu myanya y’icyubahiro(VIP) ari ibihumbi bitanu (5000Rwf). Ikindi n’uko umuntu wese uzinjira muri iki gitaramo azahabwa icyo kunywa cy’ubuntu.

AMAFOTO:

Abashinzwe umutekano bahageze mu cyakare....

Inyarwanda.com/TV yahageze mbere y'abandi bose ngo irebe aho imyiteguro igeze

Abashinzwe gutunganya ahazabera iki gitaramo nabo bageze kure imyiteguro

Ku murembo y'ahazabera igitaramo cya nyuma cya Primus Guma Guma Super Star 8

REBA AHO IMYITEGURO IGEZE MBERE Y'AMASAHA MACYE Y'IRUSHANWA







TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • masho kid promoter5 years ago
    agakweto gukugahanagura ubundi tukaza guca intege umunaniro doreko bizaba ari muri weekend
  • Nshimiyimana Emmanuel5 years ago
    Bruce Melody azabikora too??





Inyarwanda BACKGROUND