RFL
Kigali

EXCLUSIVE: Jay Polly arasaba ko indirimbo ye ‘Too Much’ yasubirwamo, Nameless Campos wayikoze akamutsembera-VIDEO

Yanditswe na: Emmy Nsengiyumva
Taliki:27/05/2017 12:19
7


Muri iyi minsi induru yabaye induru, indirimbo ‘Too Much’ ya Jay Polly ahuriyemo n'abandi bahanzi nka Urban Boys, Bruce Melody, Khalifan, Uncle Austin na Marina. Iyi ndirimbo amashusho yayo amaze iminsi ari hanze yateje impaka za hato na hato kubera imyambarire y’abakobwa barimo n’imibyinire yabo, byatumye twegera abayikoze turaganira.



Dushaka kuvugana n'abagize uruhare ngo iyi ndirimbo ikorwe twegereye Jay Polly maze mu kiganiro kirekire twagiranye uyu muraperi adutangariza ko asaba imbabazi abanyarwanda bose iyi ndirimbo yagizeho ingaruka, abizeza ko mu minsi iri imbere ari bushyire hanze amashusho nyayo yayo dore ko adatinya guhamya ko iyasohotse atariyo mashusho y’indirimbo ye nyayo kuko uwayikoze yayashyize hanze itarangiye dore ko hari n'ibindi bice byagombaga kujya muri iyi ndirimbo ariko bitarimo nkuko abitangaza, usibye ko anahamya ko muri iyi ndirimbo hagaragaramo amashusho atishimiye kubera uburyo yangiza umuco nyarwanda.

Iyi ndirimbo ntabwo yavuzweho rumwe

Jay Polly yabajijwe impamvu we n'abahanzi bakoranye iyi ndirimbo bemeye gufatwa aya mashusho nyamara babizi ko atubahisha umuco nyarwanda, uyu muraperi yatangaje ko hari byinshi bibera mu ifatwa ry’amashusho y’indirimbo ariko ko byose bitakagiye hanze ariyo mpamvu mbere yuko ijya hanze Nameless Campos wayikoze yagombaga kubanza kuyibereka bakareba ibyo byose bayemeza ikajya hanze. Nyuma yo gusaba imbabazi Jay Polly yijeje abanyarwanda ko mu minsi ya vuba mu gihe kitarenze icyumweru aba yashyize hanze amashusho nyayo y’iyi ndirimbo anasaba abayishyize ku mbuga nkoranyambaga kuyisiba.

REBA HANO IKIGANIRO TWAGIRANYE NA JAY POLLY AVUGA KURI IYI NDIRIMBO 'TOO MUCH'


Nameless Campos we ubwo twagiranaga ikiganiro kirambuye yatangaje ko asanga ikibazo cyakujijwe n'itangazamakuru ryafashe indirimbo rikayigira mbi bityo na Jay Polly akagira ubwoba ko yaba yakoze ikintu kibi, uyu musore usanzwe utunganya amashusho y’indirimbo z’abahanzi yatangaje ko indirimbo ari nziza kandi nta gishya bagaragaje dore ko ababirwanya birirwa ngo bareba ibirenze ibyo bakoze mu ndirimbo z’inyamahanga.

Uyu musore yahamije ko mbere yo gushyira hanze amashusho y’iyi ndirimbo yabanje kuyereka Jay Polly, Khalifan na Nizzo bose bakayemera, aha yongeyeho ko ntacyo ashinja indirimbo yakoze ndetse yumva nta n'icyo yayongeraho dore ko kubwe ngo yujuje ibyo yifuzaga byose bityo ngo Jay Polly nashaka kuyisubiramo azashake abandi bayikorana kuko we atayisubiramo.

Amwe mu mashusho ataravuzweho rumwe muri iyi ndirimbo

Muri iki kiganiro kandi Nameless yahamije ko nta muhanzi yafashe ku ngufu ngo bamufate amashusho ahubwo bose baryohewe bakayikora bishimye aha ni naho yahereye ahamya ko iyo baba badashaka ko aya mashusho azagaragara batari gutuma afatwa, kuba rero barabyemeye kandi ntamgahato ngo asanga bari babyishimiye rero we agasanga ibyo barimo ari igitutu bashyizweho n’itangazamakuru bagashaka guhagarara ku mazina yabo ariko we asanga ko ntakosa bakoze.

REBA HANO IKIGANIRO TWAGIRANYE NA NAMELESS CAMPOS AVUGA KURI IYI NDIRIMBO 'TOO MUCH'






TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • queen6 years ago
    amakuru nasomye ko uwo muproducer Camposs yaba ari gay akaba akundana na Clesse wari manager wa jay Polly byaba aribyo??
  • Kibwa26 years ago
    Uyu nameless ari serieu, wowe kora promotion y'indirimbo hanze, umunsi yakinwe kuri Trace bose bazaburana basaba ko ushyiramo amazina yabo, Wagira ngo ni abana cg se abasinzi bahoraho!
  • 6 years ago
    Uko mbibona rero nuko ikibazo ari Jay Polly none c kuki za vimba vimba, uburyohe, ikinya ntacyo mwavuze,,abanyamakuru bagabanye itiku, nahubundi mushyigikire muzika Nyarwanda, nanashimira nameless ko ari kubukuza video zihora zisa twabonaga
  • jesus6 years ago
    nemuless ibyo avuga nukuri kbs, ahubwo jey pool asigaye yarasaze avuga ibintu bidahuye kandi aba abwira abantu bakuze.
  • umuco6 years ago
    Birakabije biragayitse ,ndebera iriya picture ya mbere uriya mukobwa wambaye utwenda twumweru ,ushyira ubwambure bwe hanze yiyicir avenir ubwo ccc,namara kuba umubyeyi umwana weee akabona ubwambure bwe azabifata gute ?bako mwakwigesheje agaciro koko ???urigana beyonce ngo uzagire ubutunzi nkubwe ahubwo uzasa nawe nyamara nimusubize ubwwenge kugihe
  • 6 years ago
    @Queen none se kuba producer ari gay bijyanye he n'inkuru usoma cg ibyo twe abasomyi bitumariye iki kubimenya abanyarwanda tuzicwa no kwinjira mu buzima bw'abandi we all should learn to live and let live ngarutse kuri Nameless kbsa Coup de chapeau ce gars la est professionel naho Uncle Austin we uri gucomplaininga ayo mashusho bayafashe adahari ko wagirango ameze nku reclama ko bakoze photoshop Inyarwanda,Kindly post my comment :)
  • 6 years ago
    Yewe banyarwanda mwe abana bakore mwibatera ipfunwe. Ko mureba inya Jamaica se? Koshens cg wizkid ntibaza murwanda mukuzura Stade ngo murabakunda. Video zabo ntizirushaho hariya se? Uriya witwa ngo umuco nubundi umuco nuwumuntu ubwo rero nuriya ni umuco.





Inyarwanda BACKGROUND