Mu minsi ishize ni bwo hatangiye gukwirakwizwa amafoto ya Dream Boys na Fille umuhanzikazi w’i Bugande bivugwa ko hari umwe mu basore bo muri Dream Boys baba bakundana mu ibanga, gusa ibi siko kuri byaje kumenyekana ko amafoto yabo yafashwe ubwo bafataga amashusho y’indirimbo bakoranye ‘Usibadilike’.
Iyi ndirimbo nshya Dream Boys bakoranye na Fille bayise ‘Usibadilike’ ikaba yarakozwe mu minsi yatambutse icyakora ntiyahita ijya hanze nkuko TMC ubarizwa muri iri tsinda rya Dream Boys yabitangarije Inyarwanda.com. TMC yatangaje ko iyi ari indirimbo bakoranye ubwo Dream Boys yari mu irushanwa rya PGGSS7 yanatwaye icyakora bakanga guhita bayishyira hanze.
Dream Boys na Fille mu mashusho y'iyi ndirimbo
TMC yabwiye Inyarwanda ko babaye baretse kuyishyira hanze kuko bagombaga kubanza kuyikorera amashusho ariko bakaba bari banahuze ku buryo bitari byoroshye ko bayishyira hanze ngo babashe kuyitaho nkuko byakagombye, ati “Twabaye turetse gushyira hanze iyi ndirimbo kugira ngo tuyihe umwanya niyo mpamvu yari imaze igihe ibitse gusa ubu iri hanze n’abafana bacu batangira kuyumva nta kibazo."
Iyi ndirimbo nshya ya Dream Boys yakozwe mu buryo bw’amajwi na Junior Multisystem mu gihe amashusho yayo yafashwe akanatunganywa na Meddy Saleh cyane ko bayikoze ubwo Fille yari ari mu Rwanda.
REBA HANO AMASHUSHO Y’IYI NDIRIMBO ‘USIBADILIKE’ YA DREAM BOYS NA FILLE
Eng
RSS 
TANGA IGITECYEREZO