Dream Boys, Jay Polly na Bruce Melody basendereje ibyishimo by’abitabiriye igitaramo gitegurwa n’umuryango w’ibihugu by’Iburayi-AMAFOTO

Dream Boys itsinda rigizwe n’abasore babiri, TMC ndetse na Platini, bageze ku rubyiniro ahagana saa Tatu z’ijoro, baririmba indirimbo zinyuranye. Bahereye ku zo bakoze bagitangira umuziki kugeza ku ndirimbo nshya bakoranye na Riderman itari yasohoka. Bateraga bakikirizwa n’abafana babo, babafasha kubyina no kuririmba bajyanisha n’indirimbo zabo.

Jay Polly yazamutse kuri stage ahasanga Dream Boys baririmbana indirimbo ‘Mumutashye’ bakoranye, amarangamutima y'abafana arazamuka. Dream Boys yavuye ku rubyiniro isigira urubuga Jay Polly waririmbye indirimbo zakunzwe kugeza ku zo aheruka gushyira hanze.

Umunyamuziki Bruce Melody acurangirwa na Clement

Bruce Melody ni we wasoje igitaramo. Yaririmbye mu buryo bwa Live acurangirwa na Clement uzwiho ubuhanga kuri Gitari. Ariko kandi Bruce Melody yananyuzagamo agakora ‘Play Back’. Yaririrmbye anibutsa abafana be gukomeza kumushyigikira mu irushanwa rya Primus Guma Guma Super Stars ku nshuro ya munani (PGGSS8).

Iki gitaramo cyaherukaga kuba muri Gicurasi mu mwaka wa 2017 mu gitaramo cyabereye kuri Stade Amahoro i Remera ahari hitabiriye abahanzi banyuranye barimo Riderman, Charly na Nina, Yvan Buravan kimwe n'abandi benshi. Igitaramo cy'uyu mwaka cyabereye mu mujyi wa Kigali muri Car Free Zone. Habanje kwerekanwa ibikinisho by’abana, hanamurikwa ibikorwa by’ubugeni.

MBERE Y'UKO IGITARAMO KIBA:

Abantu batangiye kuhagera kare

Bicaye bategereje

Igitaramo cyabereye hafi n'ikicaro gikuru cya Bank of Kigali

Abanyeshui bo ku Nyundo baririmbye muri iki gitaramo

Abafana bari benshi na mbere y'uko igitaramo kigera

Abana bahawe ibikinisho

IGITARAMO NYIRIZINA

Dream Boys mu ndirimbo zakunzwe na n'ubu

Abanyabirori bari babukereye

Umunyamuziki Clement acuranga Gitari, yanyuze benshi

Jay Polly ati 'Tuff Gung oyeeee'

Uyu mukobwa yatsindiye ibihumbi bitanu nyuma yo kubyina akarusha abandi

Byamurenze akuramo ikote

Umuhanzi Sintex nawe yahawe urubuga

Bruce Melody mu ndirimbo 'Ndakwanga'

AMAFOTO: Rutayisire Patience na Iyamuremye Janvier-INYARWANDA.COM