Njuga yitabajwe nk’umusinzi mu mashusho ya ‘Ni uwacu’ ya Dany Vumbi - VIDEO

Mu kiganiro Dany Vumbi yagiranye n’inyarwanda.com ubwo yatugezagaho amashusho y’iyi ndirimbo ku mugoroba wo kuri uyu wa Mbere tariki ya 03 Kanam 2015, yadutangarije ko yishimiye kuba iyi ndirimbo amashusho yayo asohotse vuba bishoboka nyuma yo kubona ko abakunzi be bayikunze cyane.

Reba amashusho y'indirimbo 'Ni uwacu'

Ati “ Nayisohoye vuba, kubera uburyo abantu bari bakiriye audio yayo. Numvaga bafite inyota yayo mpita nyishyira mu byihutirwa nkaba nyisohoye nyuma yicyumweru kimwe ndetse ndumva byishimiye cyane.”

Dany Vumbi yakomeje avuga ko uyu ari umwe mu mishinga yishimiye kuba ashyize hanze muri uyu mwaka, byumwihariko agaruka ku buryo kubona izina ry’iyi ndirimbo byamugoye cyane kubera amazina atandukanye inshuti ze za hafiz agenda zimuha.

Ati “ Izina ryarangoye ntabeshye, hari abayise gulu gulu, abandi bayita umunywi, abandi bashaka kuyita umusinzi, njyewe mbona ibyiza ari uko nayita ni Uwacu(Umusinzi).”