Chameleone yabatirishije umuhererezi we w’amezi 6

Uyu muhanzi wakoze indirimbo ‘Wale Wale’ yabatirishije umwana we wa gatanu ku Cyumweru tariki 21 Ukwakira, 2018 mu birori byitabiriwe n’inshuti za hafi, barimo nyina wa Chameleone Poscovia Matovu Mayanja n’abandi.

Chameleone n’umufasha we Daniella Atim Mayanja bombi banditse ku mbuga nkoranyambaga bashima Imana yabanye n'uyu mwana, banashima ababashyigikiye bose. Bati “Turashimira byimazeyo inshuti zifatanije natwe mu muhango wo kubatirisha umwana wacu Xara Amani. Cyari icyumweru Cyiza. Imana ibahe umugisha mwese."

Chameleone yabatirishije umwana we wa gatanu

Xara Amani yavutse ku wa 05 Mata, 2018 avukira muri Leta zunze ubumwe za Amerika. Ni umwana wa gatanu mu muryango wa Chameleone na Atim nyuma ya Alpha, Alba Shine, Amma ndetse na Abba Marcus Mayanja. Ariko kandi n’umwana wa Gatandatu kuri Chameleone kuko afite undi mwana w’umukobwa witwa Ayla Mayanja yabyaye ku mukunzi we w’ahahise Dorotia ufite inkomoko mu Bubuligi.

Chameleone n'umufasha we Atim babatirishije umukobwa wabo w'amezi atandatu