Cassa na Ganza bashyize hanze umusaruro wavuye mu bufatanye bwabo – VIDEO NSHYA

Ni indirimbo igaragaramo cyane Ganza, umwe mu basore nawe wamenyekanye cyane mu Rwanda nk’umubyinnyi ukomeye, dore ko afatanije na Cassa batangiranye itsinda ryamenyekanye cyane mu kubyina rya Cool family mbere y’uko risenyuka hakavamo Fantoms crew, Cassa yaje gukomerezamo, hamwe na Sick City yahise itangizwa na Ganza mbere y’uko nawe yerekeza ku mugabane wa Amerika.

Ganza

Uretse kuba Ganza agaragara cyane afasha Cassa mu bijyanye na Choreography(imibyinire), uyu musore usigaye unatunganya ibijyanye n’amashusho, ni nawe wayoboye ifatwa ry’aya mashusho ndetse aranayatunganya afatanije n’undi musore w’umunyarwanda nawe ukora ibijyanye na film witwa Shax Inno.

Reba hano amashusho y'indirimbo 'Ndakwikundira'

Mu kiganiro na Cassa wamenyekanye cyane mu ndirimbo nka Ohh, Ihorere, Imyaka itatu n’izindi, akaba yadutangarije ko yakoze iyi ndirimbo y’urukundo nyuma yo kubisabwa cyane n’abakunzi be gusa video ikaba yari yaratinze kubera ibibazo tekinike byari byabanje kubaho amashusho arabura ariko ku bw’amahire aza kuboneka.

Cassa ati “ Indirimbo yo nayikoze kuko aba fans benshi bakomeje kumbaza igihe nzongera kuririmba indirimbo y’urukundo y’ikinyarwanda, nibwo nanditse iyi ng’iyi ‘Ndakwikundira’. Gukorana na Ganza byari byoroshye cyaaaane kuko turaziranye kuva cyera wasangaga kuri inspirations duhuza cyane. Turapanga no gukorana izindi zizasohoka mugihe kizaza”

Cassa ubu afite band imufasha gucuranga muri Canada

Akomeza agira ati “ Video ya Ndakwikundira twayikoze hashize imyaka 2yose, twayi shootinze Orlando Florida, iminsi 3. Ariko Ganza aza kugira ikibazo computer ye yagize software upgrade isiba computer yose, ubwo project ya video tirayihorera. Nyuma ejo bundi nibwo yaje kugwa Ku mashusho hose twafashe azisanze kuri external drive ye.”

Cassa yaboneyeho gutangariza abakunzi be ko imyenda ya kinyafurika yambaye muri iyi ndirimbo yayibonye ayikesha aba designer babiri ba banyarwanda, Francis Iranguha (zahabu) na Dely (Seka design).