Bobi Wine yakubise inshuro Bebe Cool mu gukundwa ku rubuga rwa Facebook

Bobi Wine akomeje kugenda yigarurira imitima ya benshi nyuma yo gutorerwa guhagararira agace kitwa Kyadondo East. Ibi bigaragarira mu mibare y’abakunzi yari afite mbere y’amatora na nyuma yayo nk’uko bitangazwa na Blizz Enteratainment yo mu gihugu cya Uganda.

Iyi mibare yerekana uburyo Bobi Wine arusha cyane mukeba we Bebe Cool. Bobi Wine mbere y’amatora yari afite abakunzi 491,000 ubu akaba afite 529,000 mu gihe mukeba we w’igihe kirekire Bebe Cool yari afite abakunzi 511,000 ubu akaba afite 512,000 bivuze ko uyu mugabo abakunzi be biyongereyeho 1,000.

Imibare yo ku rubuga rwa Facebook rwa Bobi Wine irerekana ko yamaze kwanikira mukeba we Bebe Cool

Uyu mugabo nyuma yo gutorwa akaba umudepite, kuri ubu arakunzwe cyane haba mu muziki,mu bitangazamakuru no ku mbuga nkoranyambaga cyane cyane nka facebook aho yahise yereka igihandure mukeba we Bebe Cool.