Mu gitondo cyo kuri uyu wa Gatanu tariki 23 Werurwe 2018 ni bwo umuhanzi wamamaye hano mu karere uzwi nka Mr Nice yasesekaye mu mujyi wa Kigali aho aje gutaramira abantu bazitabira iserukiramuco ry’urwenya rya Seka Fest ahazaba hari abanyarwenya benshi. Mr Nice ni we muhanzi wari wateguwe gutungura abantu.
Mr Nice ni umuhanzi wagacishijeho ndetse magingo akaba atarava mu mitwe y'abantu kubera indirimbo ze zamamaye zirimo: Kikulacho, Fagilia, Kidali Po n’izindi zinyuranye zagize uyu mugabo umuhanzi w’icyamamare.
Mu kiganiro na Nkusi Arthur mu minsi ishize yadutangarije byinshi kuri iri serukiramuco yise ‘Seka Fest’ ahazaba ibitaramo bibiri kimwe kikazaba tariki 24 Werurwe 2018 kikabera mu modoka zitwara abagenzi.
Nk'uko Nkusi Arthur yabidutangarije mu kiganiro kirekire yagiranye na Inyarwanda, kwinjira mu modoka zizaba zirimo abanyarwenya ni ukwishyura 500frw ukoresheje ikarita ya TAP&GO mu gihe bukeye bwaho hazaba igitaramo cya rurangiza kizabera mu ihema rya Camp Kigali kizaba kirimo abanyarwenya bakomeye.
Igitaramo cy'urwenya cyateguwe na Nkusi Arthur
Muri iki gitaramo kizabera Camp Kigali tariki 25 Werurwe 2018, hazaba hari abanyarwenya batandukanye barimo; Captain Khalid wo muri Tanzania, Kigingi w’i Burundi, Idris Sultan wo muri Tanzania, Eric Omondi wo muri Kenya, Salvador wo muri Uganda n'abandi benshi bazwiho gusetsa abantu mu buryo bikomeye. Kwinjira bizaba ari 2000frw ku banyeshuri, 5000frw na 10000frw mu myanya y’icyubahiro n’ameza ya 300000frw azaba ateye mu myanya y’icyubahiro.
Kuri ubu amatike y’iki gitaramo akaba ari kugurishwa cyane ko ubu wayabona kuri Jumia Food ndetse no kuri Kigali Century Cinema. Amatike yatangiye kugurishwa ni aya 5000frw na 10000frw mu gihe aya 2000frw yo ari butangire kugurishwa mu minsi iri imbere nkuko bitangazwa na Nkusi Arthur uri gutegura iri serukiramuco ry’urwenya. Hanashyizweho nimero ku bashaka amatike ya 2000frw bakaba bahamagara 0783187845.
Mr Nice aracyakunda gutera urwenya 
Mr Nice Akigera i Kigali
AMAFOTO: NIB
Eng
RSS 
TANGA IGITECYEREZO