Kuri ubu amakuru atangazwa n’itangazamakuru ryo muri Leta Zunze Ubumwe za Amerika ni uko Beyonce yamaze kwibaruka impanga zije zikurikira Blue Ivy w’imyaka itanu y’amavuko, akaba yabyariye mu bitaro biri i Los Angeles muri Leta Zunze Ubumwe za Amerika.
Kugeza ubu ariko ba nyiri ubwite Jay Z na Beyonce nta cyo baratangaza ku kubyara kwabo, gusa ibinyamakuru Us Weekly na People magazines bivuga ko bifite amakuru yizewe avuga ko Beyonce yamaze kwibaruka impanga. Ikinyamakuru People cyatangaje ko Jay Z umugabo wa Beyonce ari we watangaje iyi nkuru nziza ku muryango we ayisangiza inshuti ze za hafi ndetse n’abo mu muryango we n’uwa Beyonce. Iki kinyamakuru kandi kivuga ko kubyara kwa Beyonce ari amakuru gikesha inshuti za hafi za Jay Z na Beyonce.
Ku wa Kane tariki 15 Kamena 2017 Jay Z na Blue Ivy bari ku bitaro Beyonce yagiye kubyariramo. Kuwa Gatanu hari abantu bafotowe bafite indabo n’impano bari bagiye guha Beyonce, bikaba bigaragaraza ko bari biteguye kwakira impanga za Beyonce. Izo ndabo zari zanditseho B & J. Tariki 7/1/2012 ni bwo Beyonce yabyaye Blue Ivy amubyarira muri New York City, iyo nkuru itangazwa bwa mbere n’ikinyamakuru Us Weekly. Kuri ubu iki kinyamakuru (Us Weekly) cyamaze gutangaza ko gifite amakuru yizewe avuga ko Beyonce yamaze kubyara impanga, ayo makuru akaba avuga ko yibarutse kuri uyu wa Gatandatu.
Ifoto Beyonce yashyize kuri Instagram agatangaza ko atwite impanga
Uyu yafotowe kuwa Gatanu agiye gusura Beyonce mu bitaro
Beyonce hamwe na Blue Ivy
Beyonce hamwe n'umugabo we Jay Z
Beyonce ubwo yerekanaga ko akuriwe
Beyonce amaze iminsi micye akoze ibirori bya 'Baby shower'
TANGA IGITECYEREZO