Mutoni Balbine ni izina ryari rimaze iminsi rutavugwa mu myidagaduro ya hano mu Rwanda, uyu yamenyekanye cyane ubwo yitabiraga irushanwa rya Miss Rwanda muri 2015 aho yegukanye umwanya wa kane yagerageza gusubiramo umwaka ukurikiye akabura n'iryo yahoranye, kuri ubu uyu mukobwa yiyambuye ubusa ashyira amafoto ku mbuga nkoranyambaga.
Balbine Mutoni waje guhimbwa akazina ka Besigye nyuma yo kwitabira ubugira kabiri irushanwa rya Miss Rwanda aho itangazamakuru ryamukwenaga kutava ku izima mu matora y'ubwiza, ubu yari amaze iminsi atavugwa mu itangazamakuru icyakora kuri iyi nshuro arigarutsemo nyuma yaho yifotoreye ifoto yambaye ubusa buri buri akayishyira ku rukuta rwe rwa Snapchat.
Miss Balbine yabanje kwandika kuri Snapchat ko akumbuye umukunzi we, gusa nyuma y’amasegonda make yahise yisubiraho yandikaho amagambo avuga ko iyi foto yayishyizeho ashaka kureba ingaruka imyitozo ngororamubiri imaze kumugiraho ko ataragamije kuyishyira aho abantu bayibona ndetse yongeraho ko yamucitse.
Balbine yiyambitse ubusa ashyira ku mbuga nkoranyambaga
Aha uyu mukobwa wanabaye Miss High School 2014 yahise asaba imbabazi abantu babonye iyi foto ariko bisa n'amatakirangoyi kuko yari yabikoze n'ubundi ahubwo byagaragaraga nko gushaka kuyobya uburari ngo yereke abantu ko ari ibyamugwiririye atabishakaga. Iyi foto yahise ayisiba nkuko yari yabyandikiye abari buyibone abizeza ko agiye kuyisiba. Ikindi n'uko n'amashusho yahise ayasiba.
Miss Balbine yabaye igisonga cya kane muri Miss Rwanda 2015
TANGA IGITECYEREZO