AY wagerageje kwiyoberanya yafotorewe ku kibuga cy’indege i Kanombe, ese aje gukora iki? –AMAFOTO

Uyu mugabo winjiye ku kibuga cy’indege yiyambariye imyambaro isanzwe ntabwo yari yiteze ko abanyamakuru bahita bamubona yari yiyambitse ingofero igera mu maso ngo ajijishe gusa tukimara kumubona twamwegereye ngo tugirane ikiganiro ibintu atigeze yemera gusa mu magambo make yatangarije aho akaba yanavuze bimwe mu by’urugendo rwe.

AY akigera i Kigali yari atwaye ivarisi bigaragara ko ari urugendo yateguyeAY yari yambaye ingofero mu maso ku buryo utamumenya ubaye utamuzi neza

AY yagize ati”Njye nje mu Rwanda mu ruzinduko rwanjye ku giti cyanjye… nje kwitemberera bisanzwe.” Twamubajije niba yaba aje mu bikorwa bya muzika arabihakana atangaza ko nta na kimwe ajemo usibye gutembera gusa. Yabajijwe niba yaba aje mu Rwanda muri gahunda z’ubukwe bwe n’umunyarwandakazi benda kurushingana nabyo abitera utwatsi atangaza ko aje gutembera gusa.

Yaje kwemera aganira n'itangazamakuruYatsembye yanga gutangaza gahunda nyayo avuga ko aje gutembera

Mu modoka isanzwe AY yahise asohoka mu kibuga cy’indege urujijo rusigara mu banyamakuru bari bamaze kumwibonera batasobanukiwe neza icyo uyu muhanzi aje gukora mu Rwanda mu buryo bw’ibanga.