Auvis studio, inzu itunganya muzika itangiranye na Producer Fizzi ndetse na Vicky-AMAFOTO

Iyi studio imaze umwaka itangiye, gusa umuyobozi wayo Irafasha Audace avuga ko yabanje kugerageza ngo arebe neza isoko ry’umuziki aho kuri ubu batangiye gukora ku mishinga y’indirimbo z’abahanzi batandukanye barimo Nasson, Fireman, Green P ndetse n’abandi bamaze kubaka amazina.

Irafasha Audace avuga ko hari gahunda y’uko ashobora gusinyana amasezerano n’abahanzi batandukanye bagatangirana imikoranire. Gusa ngo hari babiri kuri ubu bafite bakaba bakiri mu biganiro biganisha ku mikoranire. Ati:

Turateganya gukorana n’abahanzi tukabasinyisha amasezerano…Twatangiye gukora ku mishinga y’indirimbo z’abahanzi batandukanye mu minsi ya vuba turatangira gushyira hanze ibihangano byabo.

Irafasha Audace umuyobozi wa Studio Auvis

Ku bijyane n’amafaranga yo kwishyura indirimbo buri muhanzi aba asabwa, yavuze ko amafaranga batajya munsi ari amafaranga ibihumbi 60,000Rwf. Ngo buri muhanzi wese uganye studio Auvis ahabwa igihe cye cyo gukora bitewe n’umwanya we. 

Kugeza ubu iyi studio irakorana na Producer Fizzi ndetse na Producer Vicky The Creater. Uyu Vicky yavuze ko atamaze igihe kinini muri studio ariko ko afite imishinga y’indirimbo ari gukoraho y’abahanzi. Yavuze ko afite indirimbo ya Bull Dog, Sintex n’izindi nyinshi ari gukora zigomba gusohoka mu minsi ya vuba.

Vicky The Creator, Producer muri Auvis

Ibyuma bihari ku bwinshi