Umuhanzi Auddy Kelly avuga ko hari umuntu ukomeye cyane mu buzima bwe yari agiye kubura akumva atabasha kubyakira, ibi bikaba byaramukoze ku mutima cyane bikanatuma akora mu nganzo akaririmba indirimbo yitwa “Sinkakubure” ikubiyemo ubutumwa bw’inkuru mpamo y’ibyamubayeho.
Mu kiganiro yagiranye n’umunyamakuru wa Inyarwanda.com ubwo yatugezagaho amashusho y’indirimbo ye nshya “Sinkakubure”, Auddy Kelly yadutangarije ko ibyamubayeho bishobora kuba no ku bandi, kuko bijya bibaho mu buzima ko umuntu ananirwa kwakira ko yabura umuntu akunda.
Ni umuntu umba hafi kandi nkunda nabonaga ngiye kumubura hafi yanjye nkumva kumubura ntabyumva neza, ni uko indirimbo yanjemo gusa naje gusanga ari indirimbo yafasha n’abandi kuko hano hanze ni byinshi kandi ni benshi bashobora kugutanya n’uwo ukunda, rero ni mu rwego rwo kubwira abantu kwirinda icyabatanya ,niba hari umuntu ufite uwo akunda akumva atamubura iyi ndirimbo ni iye. Auddy Kelly.
Auddy Kelly avuga ko nyuma y’amashusho y’iyi ndirimbo, afite ibindi bikorwa bya muzika bitandukanye azagenda ageza ku bakunzi be no ku bakunzi ba muzika muri rusange, akaba ashimira abanyarwanda bose bakomeza kumuba hafi no kumushyigikira mu muziki we.
REBA HANO AMASHUSHO Y’INDIRIMBO “SINKAKUBURE”:
Eng
RSS 
TANGA IGITECYEREZO