Abakurikirana ku mbuga nkoranyambaga Beyonce na Jay Z bo muri Leta Zunze Ubumwe za Amerika ejo hashize batunguwe n’amafoto yafotowe ibi byamamare bari kuri moto mu Majyepfo ashyira Uburasirazuba bw’umugabane wa Amerika.
Benshi batekereje ko atari amafoto ya nyayo [ibizwi nka Photoshop] bashingiye ku kuba Jay Z yaratambagije umugore we mu muhanda nta murinzi. Kuri nyako gutangazwa na ba nyir’ubwite ni uko ari amafoto ya nyayo yafashwe bari mu kazi.
Daily Mail yanditse ko aba bombi bafotowe ubwo bari muri Jamaica mu bikorwa byo gutunganya no gutegura ibitaramo bizenguruka imigabane ku nshuro ya kabiri bagiye guhuriramo bise OTR II. Hari andi amakuru avuga ko hashingiwe ku buryo uyu mugabo n’umugore we bari gukorana bishimangira ko bashobora no kuzakorana Album y’indirimbo mu minsi iri imbere.
Jay Z ahetse Beyonce kuri moto
‘On-Run II tour (OTR II)’ izatangira mu Bwongereza ku wa 06 Kamena 2018 isozwe ku wa 02 Kanama 2018 i Vancouver muri Canada. Iyi turune y’ibitaramo byabo izagezwa mu bihugu 35 bigize umugabane w’Uburayi ndetse no muri Leta Zunze ubumwe za Amerika basanzwe bakoreramo muzika.
Ibi bitaramo bizenguruka imigabane bazakora bazagera mu mujyi 15 igize umugabane w’Uburayi ndetse n’imijyi 21 igize Amajyaruguru ya Amerika aho ari naho Jay Z na Beyonce bazatangirira ibitaramo byaho guhera ku wa 06 Kamena, 2018. Ibitaramo bizasozwa ku wa 02 Kanama,2018 mu mujyi wa Vancouver.Muri 2014 Jay z na Beyonce bakoranye ibitaramo nk’ibi ku nshuro ya mbere bahuriyemo bahaye izina rya ‘On The Run’.
REBA AMAFOTO JAY Z AHETSE BEYONCE KURI MOTO
Jay Z na Beyonce hamwe n'imfura yabo Blue Ivy
Eng
RSS 
TANGA IGITECYEREZO