Mu minsi ishize ni bwo hatangiye kunugwanugwa urukundo rw'ibanga hagati ya Derek wo mu itsinda rya Active ndetse na Marina, icyakora n'ubwo inkuru z'urukundo rw'aba bombi zakomeje guterwa utwatsi na ba nyirazo, abakurikirana umuhanzikazi Marina bakomeje gutangazwa n'amafoto amaze iminsi ashyira hanze aherekejwe n'amagambo y'urukundo.
Umuhanzikazi Marina yakunze kubazwa ibijyanye n'urukundo rwe na Derek wo mu itsinda rya Active icyakora kenshi agatangaza ko adakundana na Derek ahubwo ari inshuti ye isanzwe, ibi byakunze kuvugwa n'uyu muhanzikazi ni kimwe nibyo Derek yagiye atangaza mu itangazamakuru igihe yabaga abajijwe ibijyanye n'urukundo rwe na Marina uyu akaba yarakunze kuvuga ko badakundana ahubwo ari inshuti zisanzwe.
Aya magambo bakunze gutangaza mu itangazamakuru hari abayafata nkayo kuyobya uburari cyangwa kujijisha cyane ko ahabanye cyane nayo Marina amaze iminsi ashyira ku mbuga ze nkoranyambaga agaragaza urukundo rudasanzwe afitiye Derek umusore wamamaye cyane mu itsinda rya Active. Kenshi uyu mukobwa akunze gushyiraho amafoto yarangiza akagaragaza ko uyu ari umusore bakundana .
Hari hamaze igihe havugwa inkuru y'urukundo rwa Derek n'uyu mukobwa
Ingero ni nyinshi urwa mbere ni nko mu minsi ishize ubwo uyu muhanzikazi yagaragazaga urukumbuzi afitiye Derek akunze kwita umusore bakundana aha akaba yarashyizeho ifoto ya Derek maze yandika munsi ati " Mu byukuri nkumbuye bikomeye umusore dukundana". nyuma y'iyi bidateye kabiri ubwo PGGSS8 yarangiraga yagaragaje yishimiye bikomeye umwanya uyu musore bivugwa ko bakundana yabonye.
Ubwo PGGSS8 yarangiraga itsinda rya Active ryabaye irya gatatu rikurikiye Bruce Melody na Christopher, uyu muhanzikazi wari ufite mugenzi we bahuriye mu nzu bose ibafasha ya The Mane ariwe Queen Cha wabaye uwa gatanu ntiyigeze anamushimira ahubwo yashimiye Derek agaragaza ko atewe ishema nuko yitwaye agira ati"Conglaturation my boy friend". ibi byose bikaba bimwe mu bimaze kujya mu mitwe yabakurikiranira hafi imyidagaduro bahamya ko aba bahanzi bombi baba bari mu rukundo.
Marina abaye yarigaruriye umutima wa Derek yaba amutwaye inkumi bari bamaze iminsi mu rukundo.
.png)
.png)
Marina na Derek biravugwa ko baba bari mu rukundo nubwo bakibigize ibanga
Eng
RSS 
TANGA IGITECYEREZO