Abakobwa 20 bari guhatanira ikamba rya Miss Rwanda 2018, kuri uyu wa Gatandatu tariki 10/02/2018 baje kuri Stade Amahoro i Remera bakurikirana umukino wa Rayon Sports na LLBS4A y'i Burundi, umukino warangiye amakipe yombi anganyije igitego 1-1.
Aba bakobwa uko ari 20 baje i Remera kuri Stade Amahoro kureba imbonankubone uyu mukino wa Rayon Sports na LLBS4A nyuma y'umunsi umwe bamaze mu mwiherero (Boot Camp) dore ko bawutangiye kuri uyu wa Gatanu tariki 9/02/2018. Ni umwiherero uri kubera i Nyamata ukaba uzamara iminsi 14.
Umukino aba bakobwa baje kureba ni umukino ubanza w’ijonjora ry’ibanze (1/32) ku makipe yabaye aya mbere iwayo ku mugabane wa Afurika (CAF Champions League). Ni umukino wari witabiriwe n'abantu batari bacye, urangira ikipe ya Rayon Sports na LLBS4A zinganyije igitego 1-1.
Shaban Hussein ’Tchabalala’ ni we watsinze igitego cya Rayon Sports nyuma y'iminota 8 iyi kipe yambara ubururu n'umweru yinjijwe igitego na Jamali Bazunza wa LLBS4A ku munota wa 75 w'umukino. Nyuma yo kureba umupira, aba bakobwa bahatanira ikamba rya Miss Rwanda 2018 bahise basubira i Nyamata gukoza umwiherero bazamaramo iminsi 14.
REBA AMAFOTO UBWO ABAHATANIRA MISS RWANDA 2018 BARI KURI STADE AMAHORO
Bavuye i Nyamata baza i Kigali kuri Stade Amahoro kureba imbonankubone umukino wa Rayon Sports na LLBS4A
Baje bambaye ubururu n'umweru,... bafanaga Rayon Sports
Babahaye imyanya aho babasha kureba neza umukino
Amakipe yombi asuhuzanya
11 ba Rayon Sports babanje mu kibuga
Manishimwe Djabel agenzura umupira ashaka izamu
AMAFOTO: Mihigo Saddam-Inyarwanda.com
TANGA IGITECYEREZO