Abahatanira PGGSS8 n’ibindi byamamare bakoraniye i Gikondo aherekanywe Real Madrid yesurana na Liverpool-AMAFOTO

Uyu mukino watangiye ku isaha ya saa mbili n’iminota mirongo ine n’itanu. Buri muhanzi wari uhari yakubwiraga ko afite ikipe afana ariko ko byaba byiza abivuze ari uko umukino urangiye. Christopher, abagize Just Family, abagize Active, Khalfan, Jay C ndetse na Young Grace ni bo bitabiriye uyu mukino wa nyuma wa UEFA Champions League wahuje ibigugu, Liverpool na Real Madrid.

Nyuma y’uyu mukino Christopher waranzwe no kutishima, yatubwiye ko asanzwe adakunda ibijyanye n’umupira w’amaguru ariko ko uyu munsi yafanaga ikipe ya Liverpool itabashije kwitwara neza. Mu mu mukino hagati, Christopher wabonaga yabuze amahoro, yakomezaga kwijijisha agahugira kuri telephone ubundi ukabona yihebye mu gihe abandi bishimiraga ikipe ya Real Madrid.

Christopher match yari yamurenze

Ibirenze kuri ibi yatubwiye ko twabibaza Unce Austin. Austin yatubwiye ko we yafanaga amakipe yose. Nyuma y’akanya gato avuga ko afana Cristiano Ronaldo byabuze akagero ariko ngo yishimiye intsinzi ya Real Madrid. Umuraperi Khalfan ugendana icyizere cy’uko azegukana Guma Guma y’uyu mwaka, ni byishimo byinshi yavuze ko anyuzwe n’uburyo ikipe ya Real Madrid yitwaye.

Avuga ko ari urwibutso rudasaza agiye kubika ku mutima we mu myaka yose azamara ku isi. Ati “Musaza ndanyuzwe nawe urabibona [Afata ku rutugu umunyamakuru]. Real Madrid iranshimishije peee ni nk’umunsi nzegukana Guma Guma].

Uncle Austin koko yafanaga amakipe yose

Umunyamakuru Luckman Nzeyimana wa RBA, umufana ukomeye wa Real Madrid wakunzwe kurangwa no kudahisha amarangamutima ye, yavuze ko akunda iyi kipe ku buryo uyu munsi iyo idatsinda yari kubabara. Nk’umuntu wari wicaranye na Christopher iruhande rwe, yavuze ko ijambo rya nyuma yamubwiye ari ukumwihanganisha kubera y’uko Liverpool yafanaga yatsinzwe.

Lucky ati “Nyine Christopher ndamubwiye ngo pole kbs…Real Madrid ikoze amateka. Uyu munsi ndaye neza….Uri kunyumva….”Asoza ikiganiro n’umunyamakuru wa Inyarwanda.com yahise yisomera kuri Coca Cola akomeza urugendo rwe agana mu rugo. David Bayingana wa TV10 afatanyije na Luckman Nzeyimana ni bo bari abasangiza b'amagambo. Hagati mu mukino, abari i Gikondo babashije kwegukana ibihembo binyuze mu bibazo babazwaga bijyanye n'umukino ubashije gutsinda agahembwa umupira wo kwambara, icyo kunywa n'ibindi.

Real Madrid yandikishije amateka adasibangana, ni igikombe yegukanye yikurikiranye inshuro eshatu. Yujuje UEFA Champions League 13. Yahigitse Liverpool mu irushanwa ry'amakipe yabaye aya mbere iwayo. Uyu mukino wabereye mu mujyi wa Kiev muri Ukraine warangiye ari ibitego bitatu bya Real Madrid kuri kimwe cya Liverpool.

Umurinzi wa Safi aba akotanira umutekano

Mbere y'umukino abafana ba Liverpool basekaga

Ukinjira i Gikondo wasanganigarwa n'inkumi nziza, uwa Real n'uwa Liverpool

Uwo muri Active yanyuzagamo amataratara akayakuramo byamurenze...Khalfan ahanze ijisho aho igitego kiva

Uyu ati 'Ndica ikipe nyamara'

Dj Ira umukobwa wahiriwe mu mwuga w'u Dj nawe yarebye uyu mukino

Uyu mufana ngo Liver Pool ayihoza ku mutima

Kevin Papa Gahima [uri ibumoso] nawe yari yaje kureba uyu mukino

Ambasaderi Jay C mu ngofero y'urugara, asoma kuri Heineken

Davis D n'umukunzi we bari imbere bitegeye inyakiramashusho za rutura

"Musaza urabona uyu munsi dutsinda..."Christopher abaza Uncle Austin

DJ Bisoso na Happy

Ubwitabire bwari hejuru

Bahati wa Just Family uri iburyo, Young Grace yahikojeje asohoka areba cyane kuri telephone yihuta bisa n'aho hari uwamushakaga,ntiyagarutse

Uyu musaza yamusohokanye

David Bayingana wa TV10

Nk'ibisanzwe ntiwakwicwa n'icyaka kandi Bralirwa ihari

Umufana ati 'Mbabarira umfotore nzerekane urukundo nkunda Liverpool'

David na Jean Marie umuyobozi w'abafana ba Arsenal

Igitego cya kabiri cya Real Madrid, Luck yahise asubira mu myitozo

Miss Ariane.....Ifoto irivugira

Amb. Joseph Habineza

Edouce Softman ateruye igikombe 

Umukinnyi wa filime Nadege uzwi nka Nana muri City Maid

Yitwa No Face 'nta sura' acunga umutekano w'abahanzi

Olvis aganira n'inkumi

AMAFOTO: Janvier Iyamuremye-Inyarwanda.com