'Nisamehe’, ‘Ntakibazo’ indirimbo zihariye ibyishimo by’abataramiwe na Riderman muri Laguna Bar&Club-AMAFOTO

Mu ijoro ryo kuri uyu 22 Kamena 2018 umuraperi rurangiranwa Riderman yataramiye Laguna Bar&Club iherereye ku muhanda wa Peyage uturutse mu Kanogo ugana mu mujyi, ni muri metero nke ugana ku cyiciro cya RSSB.

Uyu muraperi yabanjirijwe n’abandi bahanzi barimo Siti true Karigombe washimishije abasohokeye Laguna Bar&Club, akurikirirwa na Mr Patu ndetse na MC Tino wabihuzaga no kuyobora iki kirori. Mbere y’uko ahamagarwa ku rubyiniro, Mc Tino yabanje gushimira Riderman uburyo afasha abahanzi nyarwanda.

Riderman aganira n'umunyamakuru David Bayingana

Yageze ku rubyiniro ahera ku ndirimbo yatangiriyeho agitangira kuririmba, afashwa byihariye n’abafana bakomezaga kumugaragariza y’uko ibitero n’inyikirizo by’indirimbo ze babizirikana. Riderman yageze ku ndirimbo ‘Nisamehe’ yakoranye na Safi Madiba nawe wari muri iki kirori, abantu bavuza akaruru, abandi bitera hejuru, abashoboye batigisa umubyimba. Ageze ku gitero cye mu ndirimbo ‘Nisamehe’ yafashishijwe n’abafana be gutondekanya amagambo yose uko yayaririmbye muri iyo ndirimbo.

‘Ntakibazo’ indirimbo ikunzwe muri iyi minsi, yongeye gushimangira ko ifite idarapo ry’umuziki muri iki gihe. Riderman yayiririmbye afashwa n’abafana be bari bizihiwe, mu majwi yo hejuru bagaragaza ko banyuzwe n’umusaruro wavuze muri iyi ndirimbo ihuriwemo na Riderman, Bruce Melodie ndetse na Urban Boys.

AMAFOTO:

 MC TINO [ibumoso] wari umushyushyarugamba

 Abanyabirori bifotoranyije na MC TINO

 Mr Patu yaririmbye muri iki gitaramo

 Umuhanzi Siti True Karigombe yanyuze benshi

 Producer Papito[iburyo] ukunze gukorana cyane na MC Tino

Danny Usengimana wakinaga muri Police FC nawe yari yaje kwihere ijisho

 Babyinnye biratinda

MC TINO yahamagaye Edouce ku rubyiniro amushimira guhiriza hamwe abahanzi nyarwanda

 Yandikira abo mu rugo ko Riderman amwiboneye imbona nkubone

 Selfie zacaga ibintu muri iki gitaramo

 Igisumizi ku rubyiniro atondagura inshinga ya Hip Hop

 Imbere y'abafana be

 MC Tino mu nkumi zizihiye ikirori

 Yafataga amafoto n'amashusho y'urwibutso

 Aba basore bafashishije Riderman kuririmba indirimbo zose yateye

 Ati "Nanjye mfotora nahageze muri Laguna Bar&Club"

 Wambonye........

Icyo Kunywa..

 Mico The Best yari muri iki gitaramo

 Bad Rama wa The Mane yari muri iki gitaramo

Rwema Dennis wa Kiwundo na Safi Madiba muri iki gitaramo

AMAFOTO: Janvier Iyamuremye-INYARWANDA.COM