''Ndamushimira ko abigizemo uruhare Or yaje'' Knowless wizihiza imyaka ibiri amaze abana na Clement yavuze ku buzima babanyemo-VIDEO

Muri iki kiganiro uyu muhanzikazi yabwiye Inyarwanda.com ko yishimiera kuba Imana ikimurinze muri iki gihe cy'imyaka ibiri, aha akaba yabwiye umunyamakuru ko ntakintu cyamugoye kubana na Clement cyane ko uyu bari bamaze igihe ari inshuti bityo kuba barabanye we agasanga ntacyari kumugora. Yatangaje ko kuva yashaka ikintu cyamushimishije kurusha ibindi ari uko yibarutse impfura ye ndetse uyu akaba arinawe byishimo yari atarabona mu buzima.

Uyu muhanzikazi watangaje ko afite ibikorwa binyuranye ari gutegurira abakunzi be yatangaje ko mu myaka ibiri bamaranye Clement yamwigishije kwikuramo ubunebwe agakora cyane ko Clement ari umukozi cyane. Butera Knowless yatangaje ko we ikintu azi yigishije Clement ari ukoroshya ibintu cyane ko uyu nkuko abivuga Ishimwe Clement ubusanzwe ari umuntu ugendera ku murongo ku buryo bimusaba koroshya ibintu.

Butera Knowless

Butera Knowless yatangaje ko ashimira bikomeye abafana be bamubaye hafi mu bihe binyuranye yanyuzemo, aha akaba yatangaje ko afitiye ibikorwa byinshi abakunzi be bikomeye kandi abakunda cyane. aha uyu muhanzikazi yabajiwe ijambo yabwira Clement umutware we muri iyi minsi bizihiza imyaka ibiri bakundana. asubiza iki kibazo yagize ati: "Clement ikintu nakubwira, ikintu namubwira ni uko ari umuntu mwiza ni umuntu utangaje wakwigiraho byinshi, ikindi ndamushimira ko usibye kuba umufasha wanjye yabaye n'inshuti yanjye cyane."

Asoza Butera Knowless yatangaje ko ashimira Ishimwe Clement kuba yaragize uruhare mu kuba baribarutse impfura yabo Or, akomeza agira ati "ndamushima kandi nyine nawe nashyire imbaraga mubyo akora. Imana imuhire muri byose kandi nyine ayigume iruhande."

REBA HANO IKIGANIRO TWAGIRANYE NA BUTERA KNOWLESS