Nyuma y’ibyumweru 3 abakobwa 71 baturuka mu bihugu bitandukanye byo ku isi bahatanira ikamba rya Miss Supranational 2016, Srinidhi Shetty w'imyaka 24 wari uhagarariye u Buhinde ni we wambitswe iri kabamba.
Ni ibirori byabereye mu gihugu cya Pologne mu ijoro ryakeye. Valeria Vespoli ukomoka muri Venezuela ni we wabaye igisonga cya mbere, Jaleesa Pigot wari uhagarariye Suriname aba igisonga cya 2 naho Ornella Mariam Jayasiri Gunesekere ukomoka muri Sri Lanka aba igisonga cya 3, Korinna Kocsis wo muri Hungary aba igisonga cya 4.
Srinidhi Shetty yambitswe ikamba na Stephania Stegman ukomoka muri Paraguay wari ufite ikamba rya Miss Supranational 2015. Ni ubwa kabiri umuhindekazi yegukanye ikamba rya Miss Supranational nyuma ya Asha Bhat waryegukanye muri 2014. Srinidhi Shetty asanzwe yerekana imideli, yavutse muri 1992. Areshya na m 1.72
Miss Akiwacu Colombe wari uhagarariye u Rwanda yaje muri 25 ba mbere ariko ntiyabasha kwegukana ikindi gihembo icyo aricyo cyose kuko uwabaye Miss Supranational Africa yabaye uwo muri Mauritius.
Abegukanye amakamba hakurikijwe imigabane baje bahagarariye:
Asia & Oceania: India
Americas: Venezuela
Europe: Hungary
Africa: Mauritius
Srinidhi Shetty wegukanye iri kamba asanzwe ari umunyamideli. Yavutse tariki 21 Ukwakira 1992
Srinidhi Shetty yiyerekana mu 10 ba mbere
Ubwo hatangazwaga ko ariwe wegukanye iri kamba. Yari ahanganye n'ukomoka muri Venezuela
Srinidhi Shetty yambikwa ikamba na Stephania Stegman
Ababurana ari 71, 70 baba bigiza nkana...bagenzi be baramukomera amashyi
Miss Supranational 2016 n'ibisonga bye
Eng
RSS 
TANGA IGITECYEREZO