U Busuwisi: Umunyarwandakazi ukora akanacuruza imyambaro ya Kinyarwanda yitabiriye ‘Africa Fashion Festival’-AMAFOTO

Iri serukiramuco ryabaye mu mpera z’ukwezi gushize ryari ryitabiriwe n'abadozi bo mu bihugu bikomeye byo ku mugabane wa Afurika aho bamurika imyambaro ikorerwa mu bihugu byose bya Afurika, umwe mu bamurikaga imideri akaba ari umunyarwandakazi Solange Nisingizwe uzwi cyane mu gukora imyambaro yise Sol&Wax ikunze kumurikwa mu birori binyuranye byo kumurika imideri.

Solange Nisingizwe umuyobozi mukuru wa Sol&Wax ubwo yitabiraga iserukiramuco rya Africa Fashion Festival ni nacyo gihe Kigali Fashion Week yaberagamo ibitaramworoheye ko abasha kugera mu Rwanda kuko naho atuye yagombaga kwitabira iri serukiramuco gusa nanone yari ahagarariwe nabo bakorana baba mu Rwanda.

Tubibutse ko imyenda ikorwa na Solange Nisingizwe yamenyekanye cyane muri Kigali Fashion Week ari iyo yambitse abanyamideri bari baturutse mu nkambi y’impunzi ya Mahama usibye ko na mbere bari babanje kwerekana imyambaro ya 2018 bakoze, imyinshi ikaba yarishimiwe nk'uko byanagenze mu Busuwisi.

Solange Nisingizwe ni umunyarwandakazi ukorera mu Busuwisi aho anatuye. Icyakora akora ibijyanye no guhanga ndetse no kurema imideri yarangiza akajya kubigurisha ku mugabane w’Uburayi n'ubwo no mu Rwanda ahafite isoko ritari rito.

Imyambaro uyu munyarwandakazi yamuritse i Zurich muri 'African Fashion Festival'

Abahagarariye Sol&Wax mu Rwanda

Solange umuyobozi wa Sol&Wax mu iserukiramuco rya 'African Fashion Festival'