Miss Rwanda 2012 Mutesi Kayibanda Aurore wari mu bakobwa bahatanira ikamba mpuzamahanga ry’umukobwa uhiga abandi mu bwiza bujyanye n’imyambarire no kuberwa (Miss Fashion Beauty Universal), yabashije kuba igisonga cya 3 naho ikamba ry’umwanya wa mbere ryegukanwa n’umunya Portugal.
Umukobwa ukomoka muri Portugal witwa Filipa Lazaro niwe wegukanye ikamba mpuzamahanga ry’umukobwa uhiga abandi mu bwiza bujyanye n’imyambarire no kuberwa, igisonga cye cya mbere akaba ari umunya Espagne Vanessa Blanco, igisonga cya kabiri akaba Raghmild Hunte naho umunyarwandakazi Mutesi Aurore akaba ari igisonga cya gatatu, aba bose bakaba batoranyijwe mu bakobwa 15 bari bageze ku cyiciro cya nyuma cy’amarushanwa ariko mbere bari bitabiriye ari abakobwa bagera kuri 50.
Uyu niwe wambitswe ikamba rya Miss Fashion Beauty Universal
Igisonga cya mbere
Igisonga cya kabiri
Igisonga cya gatatu
Igisonga cya kane
Gutora aba abakobwa byabanje gukorwa biciye ku rubuga rwa facebook aho abantu batandukanye bagendaga baha amahirwe abakobwa babonaga bakwiye kwegukana iri kamba, ibi bikaba byarashingiweho ariko hanashingirwa ku manota yatanzwe n’akanama nkemurampaka k’abategura aya marushanwa mpuzamahanga y’ubwiza, umunsi nyirizina wo gutangaza abatsinze ukaba wari kuri uyu wa Gatandatu tariki 13 Ukuboza 2014.
Miss Mutesi Aurore yaje mu bakobwa bafite ubwiza mu by'imyambarire no kuberwa
Abinyujije ku mbuga nkoranyambaga zitandukanye akoresha, Miss Mutesi Aurore yashimiye cyane Imana yamufashije kwegukana uyu mwanya ndetse anashimira abanyarwanda batandukanye bagiye bamushyigikira muri aya marushanwa akaba yabashije guheshamo ishema u Rwanda, cyane ko n’ubwo ategukanye ikamba ry’umwanya wa mbere, kuba igisonga cya gatatu ari umwanya ukomeye mu marushanwa y’abakobwa batoranywa ku isi yose.
Manirakiza Théogène
Eng
RSS 
TANGA IGITECYEREZO