Ku gicamunsi cyo ku munsi w'ejo ku wa kabiri tariki 16 Kamena 2015 nibwo nyampinga w’u Rwanda yakoze impanuka idakanganye ari kumwe na mukuru we ubwo bari mu nzira bajya gusura umubyeyi wabo urwariye mu bitaro.
Ubwo iyi mpanuka yabaga mu masaha ya saa munani z’amanywa , Kundwa Doriane niwe wari witwaye mu modoka yahawe ubwo yari amaze kwegukana ikamba rya nyampinga w’u Rwanda 2015. Impanuka ikaba yabereye ku Gishushu mu mujyi wa Kigali.
Mu kiganiro yagiranye na inyarwanda.com yadutangarije ko kugeza ubu ntakibazo afite ko ndetse impanuka ubwo yabaga umushoferi wamugonze ari we wari uri mu makosa. Miss Doriane yagize ati “ Ubu meze neza ntakibazo nagize . Ni accident ni ibintu bibaho, umushoferi twagonganye yakase imodoka yihuta kandi ari njye wari ufite uburenganzira bwo gutambuka ariko ni ibintu bibaho mu muhanda.”
Imodoka ya Miss Doriane ntiyangiritse cyane/Photo Izuba Rirashe
KUndwa Doriane ubwo yambikwaga ikamba rya nyampinga w'u Rwanda 2015
Ubwo yabazwaga niba asanzwe azi gutwara imodoka, Kundwa Doriane yatangaje ko abizi ndetse yayimenye mbere y’uko atorerwa kuba nyampinga w’u Rwanda gusa akaba adakunda kwitwara. Imodoka ye yakoze impanuka niyo mu bwoko bwa SuzukiSX4 ,ihagaze agaciro ka miliyoni 15 yayihawe ubwo yegukanaga ikamba rya Nyaminga w'u Rwanda muri Gashyantare 2015 ,ikaba ifite ubwishingizi bwa Aumonium. Ku bigendanye n’umubyeyi we urwaye, Miss Doriane yadutangarije ko kuri ubu ari koroherwa ntakibazo.
Eng
RSS 
TANGA IGITECYEREZO