Miss Iradukunda Liliane uhagarariye u Rwanda muri Miss World yamaze kugera mu gihugu cy'u Bushinwa ahagomba kubera iri rushanwa ndetse anatangaza ko ameze neza n'ubwo irushanwa nyiri izina ritaratangira. Uyu mukobwa yavuze ko babasabye kwiyerekana mu mwambaro gakondo mu gace ko kwakira abakobwa bose bitabiriye iri rushanwa.
Aganira na Inyarwanda.com Iradukunda Liliane yagize ati" Nagezeyo amahoro gusa irushanwa ntabwo riratangira baracyari kutwakira." Uyu mukobwa yabwiye umunyamakuru ko ubwo babakiraga babasabye kwambara umwambaro uranga igihugu buri umwe akomokamo kugira ngo bamurike umuco w'ibihugu byabo.
Abakobwa bose bari guhatanira ikamba rya Miss World irushanwa riri kuba ku nshuro ya 68 uyu mwaka bacumbikiwe mu nyubako iri mu zigezweho i Sanya, yitwa Mangrove Tree World Resort, irimo uburiro busaga 70, inzu z’imyidagaduro n’iziberamo inama, ibyumba byo kuraramo 3700 n’ibindi.
Irushanwa rya Miss World rigiye kubera mu mu Bushinwa, abakobwa batangiye kugerayo guhera tariki ya 8 Ugushyingo 2018. Ku mugoroba wo kuri uyu wa Gatandatu tariki ya 10 Ugushyingo 2018 abakobwa bose bageze aho irushanwa rizabera.uzegukana irushanwa azamenyekana ku wa 8 Ukuboza 2018.
Miss Iradukunda Liliane mu buzima bw'i Sanya mu Bushinwa
Eng
RSS 
TANGA IGITECYEREZO