Mu gihe habura amasaha macye ngo hatangire umuhango wo gusoza amarushanwa mpuzamahanga ya Miss Supranational 2016. Akiwacu Colombe arashimira Abanyarwanda uburyo bakomeje kumuba hafi bakamushyigikira ariko akanashimira umufaransa wamugiriye icyizere akamudodera amakanzu yaserukanye.
Mu ijoro ryo kuri uyu wa gatanu tariki 02 Ukuboza 2016 nibwo muri Pologne hari bubere isozwa rya Miss Supranational 2016. Nubwo habura amasaha make ngo hamenyekane utwara iri kamba, Akiwacu Colombe yashimye uburyo Abanyarwanda batahwemye kumugaragariza ko bamushyigikiye. By’umwihariko Akiwacu Colombe avuga ko ashimira cyane umufaransa Gwanni wamugiriye icyizere akamudodera amakanzu meza yaserukanye muri iri rushanwa
Ati “ Hari byinshi twateguye hamwe na Dady de Maximo hamwe na Yvonne ariko ntitwabona abaterankunga…Gwanni twahuriye mu Fashion show nagiye kumurika imideli ..yishimiye ko ntacitse intege malgre y'ibyabaye byose.”
Colombe akomeza avuga ko uyu mudozi w’umwuga yahisemo kumufasha akamudodera amakanzu meza kuko ngo akunda gufasha urubyiruko rufite intego. Ati “ Yandondeye amakanzu meza kandi ajyanye na size yanjye Akunda gufasha urubyiruko rufite intego. Ndamushimira kuko hari byinshi yamfashije, bituma nserukira neza u Rwanda, nubwo ntaramenya uko ndi bwitware.”
Mu matora ari gukorerwa kuri Facebook hagamijwe kurebwa umukobwa wegukana igihembo cya Miss Supranational Internet 2016, kugeza ubu Akiwacu Colombe amaze kugira ‘Likes’ 1500, mu gihe Miss Philipinnes we ifoto ye imaze gutorwa n’abasaga 52.000. Uri bwegukane iki gihembo biranamuhesha amahirwe yo kujya muri 25 ba mbere mu bakobwa 71 bari guhatanira iri kamba. Amatora arahagarikwa mbere y’isaha imwe kugira ngo umuhango nyirizina wo gutangaza uwegukanye ikamba muri rusange amenyekane.
Aya makanzu yayadodewe n'umufaransa wamubonyemo kugira ntego
Colombe na bagenzi be mu myiteguro yanyuma
Eng
RSS 
TANGA IGITECYEREZO