Ikompanyi y’ikoranabuhanga ya Samsung ifite inkomoko muri Koreya y’epfo yasabye imbabazi abakozi bayo n’imiryango y’abari abakozi bayo bakururiwe uburwayi n’imiterere y’akazi k’iyi kompanyi mu nganda zitandukanye.
Kinam Kim, umuyobozi mukuru wa Kompanyi ya Samsung ubwo yari mu kiganiro n’abanyamakuru mu mpera z’icyumweru gishize yagaraje guca bugufi yunama asaba imbabazi ku miterere y’akazi mu nganda zitandukanye ,akazi katumye benshi barwara indwara zitandukanye zidakira abandi zikanabatwara ubuzima.
Kinam Kim yemeye ko ikompanyi ya Samsung yagaragaje uburangare ntitange ubwirinzi bwose bwari bukenewe n’abakozi bayo mu nganda zitandukanye. Ibyatumye abakozi benshi bafatwa n’uburwayi bwa kanseri zo mu bwoko butandukanye. Samsung yemeza ko yahisemo kuzishyura ibyatanzwe mu kuvuza abitabye Imana n’abandi bakirwaye ikomeze ibiteho mu buryo bwose bushoboka.
Icyakora ku miryango y’abagezweho n’uburwayi butandukanye ngo nta kiguzi cy’ubuzima bw’ababo. Hwang Sang-gi, ufite umukobwa wishwe na kanseri y’amaraso ubwo yakoreraga Samsung yagize ati: "Nta gusaba imbabazi kwaba guhagije ugereranije n’agahinda ndetse n’ikimwaro twagize kuva mu myaka 11 ishize, umubabaro wo kwita ku wawe ubona ko atazakira n’agahinda ko gutakaza abawe wakundaga ni ntagereranywa."
Mu mwaka wa 2010 ,umugore Park Ji-Yeon w’imyakaa 23 wakoreye Samsung kuva mu mwaka wa 2004 yishwe n’indwara ya Kanseri y’amaraso yatewe n’akazi yakoraga mu ruganda rumwe rwa Samsung muri koreya y’Epfo. Nyuma y’umwaka umwe gusa Han Hae-kyoung w’imyaka 27 wari ukoreye uruganda rwa Samsung imyaka 12 yarwaye ikibyimba cyo mu bwonko, Lee Yoon-jeong nawe yafashwe n’uburwayi bwa kanseri y’ubwonko ku myaka 30, nyuma y’imyaka 8 akorera uruganda rwa Samsung.Aba hamwe n’abandi bahuje ikibazo nibo bajyanye ikirego mu rukiko basaba indishyi z’akababaro.
Uruganda rwa Samsung rwemeye kuzajya rwishyura miliyoni 132 z’amadolari y’Amerika ku mukozi wayo cyangwa ku wahoze ari umukozi wayo wakuye uburwayi mu kazi biturutse ku binyabutabire yahuye nabyo, ku bakoreye uru ruganda kuva mu mwaka wa 1984.Ushaka inyishyu azayisaba kugeza ku mwaka 2028.
Nta mubare watangajwe uru ruganda rwemeje w’abagezweho n’ingaruko zo gukora mu nganda za Samsung gusa BBC ivuga ko abantu bagera 319 aribo batanze ibirego ko barwaye biturutse ku binyabutabire byo mu ruganda rwa Samsung, 117 muri bo bahitanwe n’ubu burwayi.
Src: BBC
Eng
RSS 
TANGA IGITECYEREZO